لاہور،آئی جی نے مختلف پولیس ملازمین کے بچوں کے علاج کےلئے 15 لاکھ 09 ہزار روپے جاری کردیے

جمعرات 18 ستمبر 2025 11:00

لاہور (اُردو پوائنٹ اخبارتازہ ترین - اے پی پی۔ 18 ستمبر2025ء) آئی جی پنجاب ڈاکٹر عثمان انور نے لاہور سمیت مختلف اضلاع کے پولیس ملازمین کے بچوں کے علاج کےلئے 15 لاکھ 09 ہزار روپے سے زائد فنڈز جاری کر دیے۔

(جاری ہے)

ترجمان پولیس کےمطابق ہیڈ کانسٹیبل سجاد احمد کو بیٹی کی سماعت کے علاج کےلئے 10 لاکھ 19 ہزار روپے سے زائد فنڈز جاری کئے گئے، ہیڈ کانسٹیبل عاصم شہزاد کو بیٹی کے کینسر کے علاج کےلئے اڑھائی لاکھ روپے، کانسٹیبل خادم حسین کو بیٹے کے بون میرو ٹرانسپلانٹ کےلئے ایک لاکھ روپے ،کانسٹیبل عاطف جاوید کو بیٹے کے علاج کےلئے 75 ہزار روپے اور کانسٹیبل امجد خلیل کو بیٹے کی سماعت کے علاج کےلئے 65 ہزار روپے دئیے گئے۔

آئی جی نے مذکورہ بالا فنڈز ویلفیئر مینجمنٹ کمیٹی کی سکروٹنی و منظوری کے بعد جاری کئے۔