سرگودھا ، نماز ِجمعہ پر مساجد کی سکیورٹی کے فول پروف انتظامات

جمعہ 19 ستمبر 2025 15:15

سرگودھا (اُردو پوائنٹ اخبارتازہ ترین - اے پی پی۔ 19 ستمبر2025ء) سرگودھا میں نماز ِجمعہ کے سلسلہ میں مساجدکی سکیورٹی کے فول پروف انتظامات کیے گئے۔ڈسٹرکٹ پولیس آفیسر محمد صہیب اشرف کی خصوصی ہدایت پرضلع بھر میں موجود اہم مساجدپر سرگودھا پولیس کے پانچ سو سے زائد مسلح پولیس افسران و ملازمین نے ڈیوٹی سرانجام دی۔ایلیٹ فورس اور محافظ سکواڈکے جوان اہم مساجدکے اردگرد گشت کناں رہے۔

(جاری ہے)

اس کے علاوہ ٹریفک کی روانی کو برقرار رکھنے کے لیے ٹریفک پولیس کے جوان بھی الرٹ رہے۔نماز جمعہ میں شامل ہونے والے ہر شخص، گاڑی، موٹر سائیکل کو مکمل چیکنگ کے بعد آنے دیاگیا۔ علاوہ ازیں چیکنگ کے لئے اہم پوائنٹس پر واک تھرو گیٹ اورمیٹل ڈیٹیکٹرکا بھی استعمال یقینی بنایا گیا۔ مساجد پر پارکنگ کا مناسب انتظام کیا گیا۔ سب ڈویژنل پولیس آفیسرز اور ایس ایچ اوزنے لگائی گئی ڈیوٹیز کو چیک ۔ تمام سکیورٹی انتظامات کی ڈی پی او نے نگرانی کی۔