رواں سال کا دوسرا سورج گرہن 21اور 22ستمبر کو ہو گا،پاکستان میں نہیں دیکھا جا سکے گا

ہفتہ 20 ستمبر 2025 02:55

اسلام آباد (اُردو پوائنٹ اخبارتازہ ترین - این این آئی۔ 20 ستمبر2025ء)رواں سال کا دوسرا سورج گرہن 21اور 22 ستمبر کو ہوگا تاہم پاکستان میں دکھائی نہیں دے گا۔

(جاری ہے)

محکمہ موسمیات کلائمیٹ ڈیٹا پروسیسنگ سینٹر کے مطابق سال 2025کے دوسرے سورج گرہن کا آغاز اکیس ستمبر کو پاکستانی وقت کے مطابق رات 10 بجکر 30منٹ پر ہوگا اور 22ستمبر کو رات 12بجکر 42منٹ پر سورج گرہن اپنے عروج پر ہوگا ، جزوی سورج گرہن کا اختتام رات 2 بجکر 55منٹ پر ہوگا ۔ رواں سال کا دوسرا سورج گرہن بھی پاکستان میں دکھائی نہیں دے گا جبکہ پیسیفک، اٹلانٹک، انٹارکٹیکا اور آسٹریلیا کے کچھ حصوں میں سورج گرہن دیکھا جاسکے گا۔