حکومت آزاد کشمیر کی بے حسی ،محکمہ جنگلات میں چیف کنزویٹر ڈوپلمنٹ کی آسامی پر تعیناتی نہ ہو سکی

ہفتہ 20 ستمبر 2025 14:45

مظفرآباد(اُردو پوائنٹ اخبارتازہ ترین - این این آئی۔ 20 ستمبر2025ء)حکومت آزاد کشمیر کی بے حسی کے باعث محکمہ جنگلات میں چیف کنزویٹر ڈوپلمنٹ کی آسامی پر تعیناتی نہ ہو سکی ، ایک سال سے زائد کا عرصہ گزرنے کے باوجود چیف کنزرویٹر جنگلات کا عہدہ خالی ہے ،حکومتی بے حسی کے باعث جہاں ترقیابی کے منتظر آفیسران مایوسی کا شکار ہیں وہاں محکمانہ امور بھی بری طرح متاثر ہورہے ہیں ، وزیراعظم آزاد کشمیر کے دفتر میں چیف کنزر ویٹر ترقیات کی آسامی ترقیابی کی فائل کئی ماہ سے التواء کا شکار ہے جبکہ بعض افسران سنیارٹی کے باوجود ترقیاب نہ ہو نے کے باعث ریٹائر ہوچکے ہیں اس وقت محکمہ جنگلات وزیراعظم آزاد کشمیر کے عتاب کا شکار ہے ۔

(جاری ہے)

خصوصی رپورٹ کے مطابق وزیراعظم آزاد کشمیر کی طرف سے ایک سال سے زائد کا عرصہ گزرنے کے باوجود چیف کنزر ویٹر ترقیات جنگلات کی آسامی پر ترقیابی کی فائل کو التواء میں رکھا گیا ہے اہل افیسران ترقیابی کے منتظر ہیں ترقیابی نہ ہونے کے باعث محکمہ جنگلات کے آفیسران مایوسی کا شکار ہیں تو دوسری جانب محکمانہ امور بھی بری طرح متاثر ہورہے ہیں ، محکمہ جنگلات کے اندر اس وقت بہت سے منصوبے اور سکیمیں التواء کا شکار ہیں ، محکمانہ نظام درہم برہم ہونے کے باوجود وزیراعظم ہائوس سے سنجیدگی اور ذمہ داری کا مظاہرہ نہیں کیا جارہا ، اس وقت آزاد کشمیر کی بیورو کریسی حکومتی عتاب کا شکار ہے اور بیورو کریسی میں سخت تحفظات پائے جاتے ہیں ۔