ی* منہاج القرآن کے زیر اہتمام ’’سیرتِ حبیبِ اعظمؐ ‘‘ کورس کا آغاز 27ستمبر سے ہو گا

بدھ 24 ستمبر 2025 19:45

لاہور (اُردو پوائنٹ اخبارتازہ ترین - آن لائن۔ 24 ستمبر2025ء) تحریک منہاج القرآن نظامت ایجوکیشن اینڈ پروفیشنل ڈویلپمنٹ (EPD) کے زیر اہتمام10روزہ ’سیرتِ حبیبِ اعظمؐ ‘‘ آن لائن کورس 27 ستمبر سے شروع ہو رہا ہے، رجسٹریشن جاری ہے۔ اس کورس کا مقصد نوجوان نسل کو سیرت النبیؐ کے مختلف پہلوئوں سے روشناس کروانا اور ان کی عملی زندگی میں مصطفوی تعلیمات کونافذ کرنے کی ترغیب دینا ہے۔

یہ علمی، فکری اور تربیتی کورس حضور نبی اکرمﷺ کی حیاتِ طیبہ، سیرتِ مبارکہ اور تعلیمات کو جدید علمی و تحقیقی انداز میں عام کرنے کے لیے ترتیب دیا گیا ہے۔ اس کورس کے ذریعے شرکاء کو نہ صرف سیرتِ نبویؐ کے مختلف پہلوئوں سے آگاہی فراہم ہو گی بلکہ ان کی عملی زندگی کو حضورؐ کی تعلیمات کے مطابق ڈھالنے کے لیے رہنمائی بھی ملے گی۔

(جاری ہے)

نظامت ایجوکیشن اینڈ پروفیشنل ڈویلپمنٹ کے ڈائریکٹر حافظ سعید رضا بغدادی نے کہا ہے کہ اس کورس کا مقصد نئی نسل کو سیرت النبیؐ سے جوڑنا اور عملی زندگی میں اخلاقِ مصطفویؐ کو پروان چڑھانا ہے۔

انہوں نے کہا کہ یہ کورس دینِ اسلام کی اصل روح سے روشناس کرانے اور نوجوانوں کو جدید علمی تقاضوں کے مطابق فکری مضبوطی فراہم کرنے کا اہم ذریعہ بنے گا۔ حافظ سعید رضا بغدادی نے کہا کہ آج کے دور میں سیرت النبیؐ کو صرف نصابی کتب تک محدود کر دینا کافی نہیں، بلکہ جدید تحقیقی اور عملی رہنمائی کے ذریعے نوجوانوں کے دلوں میں عشقِ مصطفیؐ بیدار کرنا وقت کی اہم ضرورت ہے۔

یہ کورس اسی مقصد کے تحت ترتیب دیا گیا ہے تاکہ شرکاء حضور نبی اکرمﷺ کی حیاتِ طیبہ سے رہنمائی حاصل کر یںاور اسے اپنی زندگی کا حصہ بنا ئیں۔ انہوں نے مزید کہا کہ سیرتِ حبیبِ اعظمؐ کورس نہ صرف ایک تعلیمی پروگرام ہے بلکہ یہ ایک تربیتی سفر بھی ہے جو شرکاء کے کردار، اخلاق اور فکری صلاحیتوں میں مثبت تبدیلی لائے گا۔ انہوں نے کہاکہ ہر فرد حضور نبی اکرمﷺ کی تعلیمات کو اپنی عملی زندگی میں نافذ کرے تاکہ معاشرہ حقیقی معنوں میں اسلامی اقدار کا عکاس بن سکے۔

Facebook Twitter Google + Share on Whatsapp

ی* منہاج القرآن کے زیر اہتمام ’’سیرتِ حبیبِ اعظمؐ ‘‘ کورس کا آغاز 27ستمبر سے ہو گا

متعلقہ عنوان :

مزید قومی خبریں