ہولی فیملی ہسپتال راولپنڈی میں بھی جدید چائینیز مشین سے کینسر کے علاج کا فیصلہ

جمعرات 25 ستمبر 2025 12:25

راولپنڈی(اُردو پوائنٹ اخبارتازہ ترین - این این آئی۔ 25 ستمبر2025ء)میو ہسپتال لاہور کے بعدہولی فیملی ہسپتال راولپنڈی میں جدید چائینیز مشین سے کینسر کے علاج کا فیصلہ کر لیا گیا، ایم ایس ہولی فیملی ہسپتال نے کیرو ابلیشن مشین کیلئے ریکویسٹ محکمہ صحت پنجاب کو بھجوا دی۔ہولی فیملی ہسپتال کو کیرو ابلیشن مشین کے لیے ریکویسٹ بھجوانے کی ہدایت مجاز اتھارٹی نے کی تھی۔

(جاری ہے)

ایم ایس ہولی فیملی ہسپتال ڈاکٹر اعجاز بٹ کے مطابق کیرو ابلیش مشین ہولی فیملی ہسپتال کے ریڈیالوجی ڈیپارٹمنٹ میں لگائی جائے گی اور رواں برس میں کیرو ابلیشن مشین ملنے پر کینسر کے مریضوں کا علاج شروع کر دیا جائے گا، کینسر کے مریضوں کا کیرو ابلیشن مشین سے علاج کی ماہر ٹیم ہولی فیملی ہسپتال میں موجود ہے۔ایم ایس ہولی فیملی ہسپتال نے بتایا کہ ہولی فیملی ہسپتال میں کینسر کے مریضوں کی رجسٹریشن کرکے علاج شروع ہوگا۔ کیرو ابلیش مشین گردہ، جگر، پھیپھڑوں، مثانہ اور بریسٹ کینسر کا مؤثر علاج کر سکے گی۔ذرائع کے مطابق کیرو ابلیش مشین پنجاب کے تمام ڈویژنل ہیڈ کوارٹر کے ایک ایک اسپتال کو فراہم کی جائے گی۔