امریکا کی ایک اور ٹیرف بم گرانے کی تیاری، بھارت کا زیادہ متاثر ہونے کا خدشہ

جمعہ 26 ستمبر 2025 14:30

واشنگٹن (اُردو پوائنٹ اخبارتازہ ترین - این این آئی۔ 26 ستمبر2025ء)امریکی صدر ڈونلڈ ٹرمپ نے اعلان کیا ہے کہ آئندہ ماہ یکم اکتوبر سے وہ تمام برانڈیڈ اور پیٹنٹ شدہ فارما مصنوعات پر درآمدی ٹیکس کی شرح کو 100 فیصد تک بڑھا دیں گے۔ٹرمپ انتظامیہ کی جانب سے جاری کیے گئے بیان میں بتایا گیا ہے کہ یہ 100 فیصد ٹیرف ان فارما کمپنیز پر لاگو ہوگا جن کے پاس پہلے سے امریکا میں پلانٹ یا پلانٹ پر تعمیر شروع نہ ہو چکی ہو۔

(جاری ہے)

یہ اقدام ٹرمپ کی نئی تجارتی پالیسی کا حصہ ہے جس کا مقصد گھریلو صنعتوں کو تحفظ اور مضبوط بنانا اور غیر ملکی اشیا کے استعمال کو روکنا ہے۔دوسری جانب بھارتی میڈیا پر دعوی کیا جا رہا ہے کہ امریکا بھارتی ادویات کا بڑا خریدار ہے، بھارت کی برآمدات کا بڑا حصہ عام ادویات پر مشتمل ہے اور ان پر اس ٹیکس کے اطلاق کا امکان کم ہے، اس وجہ سے نئے ٹیرف کا ممکنہ اثر محدود رہ سکتا ہے۔بھارتی میڈیا کے مطابق اگر یہ ٹیکس براہِ راست پیٹنٹ اور برانڈیڈ ادویات پر لاگو ہوتا ہے تو یہ نیا اور اضافی ٹیرف بھارت کی صنعت پر دبا ڈال سکتا ہے۔