پاکستان فلم انڈسٹری کے نامورگلوکارمنیرحسین کومداحوں سے بچھڑے 30برس بیت گئے

ہفتہ 27 ستمبر 2025 10:35

مکوآنہ (اُردو پوائنٹ اخبارتازہ ترین - این این آئی۔ 27 ستمبر2025ء) پاکستان فلم انڈسٹری کے نامور گلوکار منیر حسین کومداحوں سے بچھڑی30برس بیت گئے۔موسیقار صفدر حسین نے انہیں فلم ’’حاتم‘‘ سے فلمی دنیا میں متعارف کروایا جس کے لئے انہوں نے اپنا فلمی نغمہ ’’تیرے محلوں کی چھائوں میں قرار اپنا لٹا بیٹھے‘‘گایا اور پہلے ہی نغمے نے انہیںشہرت کی بلندیوں تک پہنچا دیا۔

اس کے بعد موسیقار رشید عطرے، خواجہ خورشید انور اور اے حمید نے ان کی آواز سے بھرپور فائدہ اٹھایا۔

(جاری ہے)

وہ پاکستان کے پہلے گلوکار تھے جنہیںبیک وقت اردو اور پنجابی فلموں میں کامیابی ملی تھی۔ انہوں نے اپنے 38 سالہ فلمی کیرئیر میں میںسات لاکھ، عشق لیلیٰ، نوراں، ہیر، مکھڑا، نیازمانہ، بودی شاہ، عالم آرا، بچہ جمورا، ناجی، جھومر، ساتھی، شمع، سوہنی کمہارن، سچے موتی، گلفام، گلبدن، سلمی، آنچل، شہید، اولاد، دامن، چوڑیاں، آشیانہ سمیت 225کے قریب فلمی گیت گائے تھے جن میں بعض ناقابل فراموش اور سدا بہار گیت ہیں۔

منیر حسین کے سگے ماموں رشید عطرے پاکستان کے عظیم ترین موسیقار تھے جبکہ ان کے خالہ زاد بھائی صفدر حسین بھی ایک اعلی پائے کے موسیقار جانے جاتے تھے۔ اپنے انداز کا یہ منفرد گلوکار 27ستمبر 1995ء کو جہان فانی سے کوچ کر گیا۔