اے این ایف کا منشیات سمگلنگ کے خلاف کریک ڈاؤن ، 91.886کلوگرام منشیات برآمد ، 5 خواتین سمیت 10 ملزمان گرفتار

ہفتہ 27 ستمبر 2025 12:55

اسلام آباد (اُردو پوائنٹ اخبارتازہ ترین - اے پی پی۔ 27 ستمبر2025ء) اینٹی نارکوٹکس فورس (اے این ایف)نے تعلیمی اداروں کے اطراف اور ملک کے مختلف شہروں میں منشیات سمگلنگ کے خلاف کریک ڈاؤن کرتے ہوئے 1کروڑ 35لاکھ روپے سے زائد مالیت کی 91.886کلوگرام منشیات برآمد کرکے 5 خواتین سمیت 10 ملزمان کو گرفتار کر لیا۔ہفتہ کو ترجمان اے این ایف کی جانب سے بیان کے مطابق تعلیمی اداروں میں کارروائیوں میں حطار روڈہری پور کے قریب ملزم سے 300 گرام چرس اور 60 گرام آئس برآمد کرلی، گرفتار ملزم نےتعلیمی اداروں کے طلباکو منشیات فروخت کرنے کا اعتراف کر لیا۔

دیگر کارروائیوں کے دوران اسلام آباد ایئرپورٹ پر دبئی جانے والے مرد اور خاتون کے پیٹ سے 706 گرام وزنی ،99 ہیروئن بھرے کیپسولز برآمد کر لئے ۔

(جاری ہے)

اسلام آباد ایئرپورٹ پرایک اور کارروائی کے دوران ریاض جانےوالے مسافر کے پیٹ سے 220 گرام وزنی ،33 کوکین بھرے کیپسولز برآمد کرکے ملزم کو گرفتار کر لیا۔جی ٹی روڈ گجرات کے قریب گاڑی سے 64.8 کلوگرام چرس اور 18.6 کلوگرام افیون برآمد کرکے 2 خواتین سمیت 4 ملزمان کو گرفتار کر لیا۔شیر شاہ ٹول پلازہ ملتان کے قریب خاتون کے قبضے سے 6 کلوگرام آئس برآمد کر لی۔چک بساوا منڈی بہاوالدین کے قریب گھر سے 1.2 کلوگرام آئس برآمد کرکے خاتون کو گرفتار کر لیا۔ کارروائیوں کا انسداد منشیات ایکٹ 1997 کے تحت مقدمات درج کر کے تحقیقات کا آغاز کر دیا گیا ہے۔