اسلام آباد ، تعلیمی اداروں میں منشیات کے خاتمے سے متعلق کیس میں اہم پیشرفت

ہفتہ 27 ستمبر 2025 15:31

اسلام آباد(اُردو پوائنٹ اخبارتازہ ترین - این این آئی۔ 27 ستمبر2025ء) یکم جنوری سی31اگست 2025تک منشیات کے خلاف وفاقی پولیس کے اقدامات کی رپورٹ اسلام آباد ہائیکورٹ میں پیش کردی گئی۔ جسٹس راجہ انعام امین منہاس نے پولیس سے رواں سال کی تفصیلی رپورٹ طلب کی تھی۔ عدالتی حکم پر ڈی ایس پی لیگل ساجد چیمہ کی پیش کردہ رپورٹ میں ہوشربا انکشافات سامنے آئے ہیں۔

(جاری ہے)

رپورٹ کے مطابق وفاقی تعلیمی اداروں اور گردونواح سے 22منشیات فروش گرفتار کرکے 22مقدمات درج کیے گئے، تعلیمی اداروں کے گردونواح سے 18کلو چرس، 3کلو ہیروئن اور ساڑھے تین کلو گرام آئس بھی برآمد ہوئی۔رپورٹ میں بتایا گیا کہ جن تعلیمی اداروں کے گردونواح میں کارروائیاں کی گئیں ان میں اسلام آباد کی اہم جامعات بھی شامل ہیں۔اسلام آباد میں منشیات کی1314مقدمات میں 1408ملزمان گرفتار کیے گئے، ملزمان سے 261کلوچرس، 484کلو ہیروئن، ساڑھے چھ کلو افیون، 94کلو گرام آئس اور 0.05گرام کوکین بھی برآمد ہوئی۔