پنجاب میں توانائی کی بچت کے لیے جدید لیبارٹری قائم کرنے کا فیصلہ

ہفتہ 27 ستمبر 2025 16:15

لاہور (اُردو پوائنٹ اخبارتازہ ترین - این این آئی۔ 27 ستمبر2025ء) پنجاب حکومت نے توانائی کے شعبے میں غیر معیاری مصنوعات کے بڑھتے ہوئے استعمال سے عوام کو بچانے اور بجلی کی بچت کو فروغ دینے کے لیے نئی حکمت عملی اختیار کر لی ۔ اس سلسلے میں صوبے میں توانائی کی بچت کے لیے جدید لیبارٹری قائم کرنے کا فیصلہ کیا گیا ہے۔

(جاری ہے)

حکام کے مطابق مارکیٹ میں غیر معیاری پنکھوں، بیٹریز اور سولر مصنوعات کی بھرمار ہے جو نہ صرف کم کارکردگی کا باعث بنتی ہیں بلکہ صارفین کے بجلی کے بلوں میں بھی اضافہ کرتی ہیں۔

نئی لیبارٹری کے قیام سے ان مصنوعات کے معیار کی موثر جانچ ممکن ہو سکے گی۔بیٹری اور پنکھے بنانے والی فیکٹریوں کے آلات اور سولر ٹیکنالوجی کی باقاعدہ ٹیسٹنگ کی جائے گی۔ اس مقصد کے لیے سولر ٹیسٹنگ لیبز کو اپ گریڈ بھی کیا جائے گا، جس سے مقامی صنعت کو سہارا ملے گا اور درآمدی مصنوعات پر انحصار میں کمی آئے گی۔منصوبے کی فزیبیلٹی کے لیے حکومت کی جانب سے 16کروڑ روپے جاری کر دیئے گئے ہیں۔