راولپنڈی ،لیڈی منشیات سپلائر سمیت چار مجرمان کو 36 سال قید ، 3 لاکھ 20 ہزار روپے جرمانے کی سزا

ہفتہ 27 ستمبر 2025 18:54

راولپنڈی(اُردو پوائنٹ اخبارتازہ ترین - این این آئی۔ 27 ستمبر2025ء)راولپنڈی پولیس کی موثر پولیسنگ کے باعث لیڈی منشیات سپلائر سمیت چار مجرمان کو مجموعی طور پر 36 سال قید اور 3 لاکھ 20 ہزار روپے جرمانے کی سزا سنادی گئی۔

(جاری ہے)

تفصیلات کے مطابق معزز عدالت نے لیڈی منشیات سپلائر ناہید رضا کو9 سال قید اور 80ہزار روپے جرمانے کی سزا سنا دی، مجرمہ سے 3 کلو600 گرام چرس برآمد ہونے پر تھانہ آر اے بازار پولیس نے مئی 2025 میں گرفتار کیا تھا، مجرم محمد زاہد کو9 سال اور80ہزار روپے جرمانے کی سزا سنائی گئی، مجرم سے 1 کلو250 گرام چرس برآمد ہونے پر تھانہ گوجر خان پولیس نے جنوری2022 میں گرفتار کیا تھا، مجرم عمران شفیق کو9 سال اور80ہزار روپے جرمانے کی سزا سنائی گئی، مجرم سے 1 کلو220 گرام چرس برآمد ہونے پر تھانہ گوجر خان پولیس نے ستمبر2022 میں گرفتار کیا تھا، مجرم عمر شفیق کو9 سال اور 80ہزار روپے جرمانے کی سزا سنائی گئی، مجرم سے 1 کلو280 گرام چرس برآمد ہونے پر تھانہ گوجر خان پولیس نے نومبر2022 میں گرفتار کیا تھا، ٹھوس شواہد اور موثر پیروی کے پیش نظر معزز عدالتوں نے مجرمان کو قرار واقعی سزا ئیں سنائیں، سی پی او سید خالد ہمدانی نے ایس ایس پی انوسٹیگیشن اورتفتیشی و لیگل ٹیموں کو شاباش دیتے ہوئے کہا کہ منشیات کے ناسور کے خاتمے کے لیے تمام اقدامات اٹھائے جا رہے ہیں۔