سونے کی قیمت 4 لاکھ روپے کی سطح سے بھی اوپر چلی گئی

ملکی تاریخ میں پہلی مرتبہ فی تولہ سونے کی قیمت نے 4 لاکھ روپے کی سطح عبور کی

محمد علی پیر 29 ستمبر 2025 19:01

لاہور ( اُردو پوائنٹ اخبارتازہ ترین۔ 29 ستمبر2025ء ) سونے کی قیمت 4 لاکھ روپے کی سطح سے بھی اوپر چلی گئی، ملکی تاریخ میں پہلی مرتبہ فی تولہ سونے کی قیمت نے 4 لاکھ روپے کی سطح عبور کی۔ تفصیلات کے مطابق عالمی اور مقامی مارکیٹوں میں سونے کی قیمت بڑھ کر تاریخ کی بلند ترین سطح پر پہنچ گئی۔ بین الاقوامی بلین مارکیٹ میں فی اونس سونے کی قیمت یکدم 59 ڈالر کے اضافے سے 3ہزار 818ڈالر کی نئی بلند سطح پر آگئی۔

عالمی مارکیٹ میں اضافے کے بعد ملک میں فی تولہ سونے کی قیمت بھی 5900روپے کے اضافے سے 4لاکھ 3ہزار 600روپے کی نئی بلند ترین سطح پر آگئی۔

(جاری ہے)