گورنمنٹ گرلز ڈگری کالج کی جانب سے اینٹی کرپشن کے عنوان سے متعلق تقریری مقابلے کا انعقاد کیا گیا

پیر 29 ستمبر 2025 20:45

کوئٹہ (اُردو پوائنٹ اخبارتازہ ترین - آن لائن۔ 29 ستمبر2025ء) گورنمنٹ گرلز ڈگری کالج کی جانب سے اینٹی کرپشن کے عنوان سے متعلق تقریری مقابلے کا انعقاد کیا گیا تقریری مقابلے کے مہمان خاص ڈپٹی کمشنر کیپٹن ریٹائرڈ جمیل احمد بلوچ تھے جبکہ ججز کے فرائض گورنمنٹ پوسٹ گریجویٹ کالج کے پروفیسر آغا عثمان شاہ گورنمنٹ کالج آف ایلیمنٹری ایجوکیشن کے پروفیسر تاج محمود پروفیسر حاجی شمس پندرانی نے انجام دیئے تقریری مقابلے میں پوسٹ گریجویٹ کالج اور گرلز ڈگری کالج کے طلبا طالبات نے بڑھ چڑھ کر حصہ لیئے اور اینٹی کرپشن سے متعلق انگریزی اور اردو میں بہترین تقاریر پیش کیئے انگریزی تقاریر میں پہلی پوزیشن گرلز ڈگری کالج کے طالبہ مقدس نے حاصل کی دوسری پوزیشن پوسٹ گریجویٹ کالج کے طالبہ رازمہ حلیم جبکہ تیسری پوزیشن پوسٹ گریجویٹ کالج کے طالب علم محمود نے حاصل کی اسی طرع اردو تقاریر میں گرلزڈگری کالج کی طالبہ اقصی عبدالطیف دوسری پوزیشن لائبہ جبکہ تیسری پوزیشن سمیہ نے حاصل کی تقریری مقابلے کے شرکا سے مہمان خاص ڈپٹی کمشنر جمیل بلوچ نے خطاب کرتے ہوئے کہا کہ آج ایک انتہائی اہم موضوع پر تقریری مقابلے کا انعقاد کیا گیا ہے کرپشن ایک ناسور ہے جو پورے نظام کو تباہ کر دیتا ہے اگر کسی قوم کسی معاشرے یا کسی ملک کو تباہ کرنا ہو تو اسے بندوق یا کسی اور ہتھیار سے مارنے کی ضرورت نہیں اسے کرپشن پر لگا دو صرف مالی بد عنوانی کو کرپشن نہیں کہتے بلکہ ڈیوٹی سے غیر حاضری کرپشن ہوتا ہے اپنے سوچ کو مثبت نہ رکھنا بھی کرپشن ہوتا ہے ہم سب کو مل کر اس ناسور کو جڑ سے اکھاڑنا ہے ہم تعلیم کے ساتھ ساتھ طلبا و طالبات میں اس کے لئے شعور پیدا کریں تاکہ بد عنوانی سے پاک پاکستان کا خواب پورا ہوسکے تقریری مقابلے کے اختتام پر ڈپٹی کمشنر جمیل بلوچ پرنسپل گرلز کالج ثاقبہ امام اور ججز نے پوزیشن لینے والے طلبا وطالبات میں شیلڈ تقسیم کئی