آزادی مارچ کیس ،عمران اسماعیل اور عامر کیانی کے وارنٹ گرفتاری منسوخ

منگل 30 ستمبر 2025 02:50

اسلام آباد (اُردو پوائنٹ اخبارتازہ ترین - این این آئی۔ 30 ستمبر2025ء)ڈسٹرکٹ اینڈ سیشن کورٹ اسلام آباد نے سابق گورنر سندھ عمران اسماعیل اور سابق وزیر صحت عامر کیانی کے وارنٹ گرفتاری منسوخ کر دیئے۔

(جاری ہے)

پیر کو آزادی مارچ کیس کی سماعت جوڈیشل مجسٹریٹ مبشر حسن چشتی نے کی، عمران اسماعیل، عامر کیانی و متعدد پی ٹی آئی کارکنان عدالت میں پیش ہوئے۔ اس موقع پر سابق پی ٹی آئی رہنماؤں اور کارکنان کی جانب سے بریت کی درخواستیں دائر کی گئیں، عدالت نے عمران اسماعیل اور عامر کیانی کے وارنٹ گرفتاری منسوخ جبکہ بریت درخواستوں پر فریقین کو نوٹسز جاری کرتے ہوئے دلائل طلب کرلئے ۔بعد ازاں عدالت نے دونوں مقدمات میں مزید سماعت 6 ستمبر تک ملتوی کردی۔