فیصل آباد ،فیصل آباد ڈویژن میں فضائی آلودگی ، سموگ کی روک تھام اور مانیٹرنگ کے لئے 16 رکنی سموگ مانیٹرنگ و کنٹرول کمیٹی قائم

بدھ 1 اکتوبر 2025 20:40

I فیصل آباد (اُردو پوائنٹ اخبارتازہ ترین - آن لائن۔ 01 اکتوبر2025ء) کمشنر فیصل آباد راجہ جہانگیر انور نے فیصل آباد ڈویژن میں فضائی آلودگی ، سموگ کی روک تھام اور مانیٹرنگ کے لئے 16 رکنی سموگ مانیٹرنگ و کنٹرول کمیٹی قائم کر دی ہے۔کمیٹی کے چیئرپرسن کمشنر فیصل آباد ہوں گے۔جاری کردہ نوٹیفکیشن کے مطابق کمیٹی میں ڈپٹی کمشنر فیصل آباد، سی پی او، سی ٹی او، ڈی جی ایف ڈی اے، ڈائریکٹر ماحولیات،ایم ڈی واسا، ڈی جی پی ایچ اے، چیف آفیسر میٹروپولیٹن کارپوریشن اورمحکمہ صنعت و زراعت کے نمائندے شامل ہیں۔

اس کے علاوہ گورنمنٹ کالج یونیورسٹی فیصل آباد کے ڈیپارٹمنٹ آف انوائرنمنٹ سائنسز اور زرعی یونیورسٹی فیصل آباد کے انسٹیٹیوٹ آف سوائل اینڈ انوائرنمنٹ سائنسز کے چیئرمین اور فیصل آباد چیمبر آف کامرس کے نمائندے بھی کمیٹی کا حصہ ہوں گے۔

(جاری ہے)

کمیٹی کی ذمہ داریوں میں ایئر کوالٹی انڈکس کی مانیٹرنگ،آلودگی کے مقامات کا تعین، دھواں چھوڑتی گاڑیوں، صنعتی یونٹس، فصلوں کی باقیات اور کوڑا جلانے کے خلاف ایس او پیز کا نفاذ شامل ہے۔

اس کے علاوہ شہریوں میں صفائی ستھرائی اور سرسبز ماحول کے فروغ، میڈیا کے ذریعے صحت عامہ سے متعلق آگاہی مہم چلانے اور فضائی آلودگی و سموگ کے حوالے سے تجزیاتی رپورٹس کا جائزہ لینا بھی کمیٹی کے مینڈیٹ میں شامل ہوگا۔کمیٹی اکتوبر2025ء سے جنوری2026ء تک ہفتہ میں دو بار اجلاس منعقد کرے گی اور اپنی عملدرآمد رپورٹ کمشنر کو پیش کرے گی

Facebook Twitter Google + Share on Whatsapp

فیصل آباد ،فیصل آباد ڈویژن میں فضائی آلودگی ، سموگ کی روک تھام اور مانیٹرنگ کے لئے 16 رکنی سموگ مانیٹرنگ و کنٹرول کمیٹی قائم

متعلقہ عنوان :

مزید قومی خبریں