Live Updates

پہلا ٹی ٹوئنٹی،بنگلادیش نے افغانستان کو 4 وکٹوں سے شکست دیدی

بنگلا دیش نے 152 رنز کا ہدف 19 ویں اوور میں 6 وکٹوں کے نقصان پر حاصل کیا

جمعہ 3 اکتوبر 2025 21:40

شارجہ (اُردو پوائنٹ اخبارتازہ ترین - این این آئی۔ 03 اکتوبر2025ء) ٹی 20 سیریز کے پہلے میچ میں بنگلادیش نے افغانستان کو 4 وکٹوں سے شکست دے دی۔شارجہ میں کھیلے میچ میں بنگلا دیش نے 152 رنز کا ہدف 19 ویں اوور میں 6 وکٹوں کے نقصان پر حاصل کیا۔بنگلادیش کی جانب سے پرویز حسین ایمان 54 اور تنزید حسن 51 رنز بنا کر نمایاں رہے۔ نورالحسن 23 اور رشاد حسین 14 رنز بنا کر ناٹ آؤٹ پویلین لوٹے۔

کپتان جاکر علی 6 جبکہ شمیم حسین ، سیف حسن اور تنظیم حسن ثاقب بغیر کوئی رن بنائے آؤٹ ہوئے۔افغانستان کی جانب کپتان راشد خان نے 4 وکٹیں حاصل کیں۔

(جاری ہے)

نور احمد اور فرید احمد نے 1، 1 کھلاڑی کو آؤٹ کیا۔اس سے قبل ٹاس جیت کر پہلے بیٹنگ کرتے ہوئے افغانستان نے مقررہ 20 اوورز میں 9 وکٹوں کے نقصان پر 151 رنز بنائے۔افغانستان کی جانب سے رحمان اللہ گربز 40 رنز بنا کر نمایاں رہے۔

محمد نبی 38، عظمت اللہ عمر زئی 18، ابراہیم زدران 15، صدیق اللہ اٹل 10، نور احمد 6، کپتان راشد خان 4، محمد اسحاق 1 اور درویش رسولی 0 کے انفرادی اسکور پر آؤٹ ہوئے۔شرف الدین اشرف 17 رنز بنا کر ناٹ آؤٹ پویلین لوٹے۔بنگلادیش کی جانب سے رشاد حسین اور تنظیم حسن ثاقب نے 2، 2 کھلاڑیوں کو آؤٹ کیا، نسم احمد، مستفیض الرحمان اور تسکین احمد نے 1، 1 وکٹ حاصل کی۔