نیشنل یونیورسٹی آف سائنسز اینڈ ٹیکنالوجی کے 47 محققین دنیا کے ممتاز ترین 2 فیصد سائنسدانوں میں شامل

اسلام آباد (اُردو پوائنٹ اخبارتازہ ترین - این این آئی۔ 03 اکتوبر2025ء)نیشنل یونیورسٹی آف سائنسز اینڈ ٹیکنالوجی (نسٹ) کے 47 محققین کو دنیا کے ممتاز ترین 2 فیصد سائنسدانوں میں شامل کر لیا گیا۔ نسٹ سائنسدانوں کے اس اعزاز کا اعتراف سٹینفورڈ یونیورسٹی اور ایلسیویئر کی مرتب کردہ عالمی درجہ بندی 2025 میں کیا گیا۔ یہ درجہ بندی دنیا بھر کے ایک لاکھ سے زائد محققین پر مشتمل ہے۔

گزشتہ چند برسوں میں نسٹ کے سائنسدانوں کی اس درجہ بندی میں شمولیت کی شرح میں نمایاں اضافہ ہوا ہے، 2022ء میں 23، 2023ء میں 31، 2024ء میں 43 اور اب 2025ء میں 47 محققین اس درجہ بندی میں شامل ہونے میں کامیاب ہوئے۔ ان میں سے 26 محققین ایسے ہیں جو مسلسل کئی برسوں سے اس عالمی فہرست میں جگہ بنا رہے ہیں۔یہ کامیابی نسٹ کے تحقیق کے سازگار ماحول اور مضبوط علمی ڈھانچے کی عکاس ہے۔

(جاری ہے)

یونیورسٹی کے محققین نے مختلف شعبوں میں عالمی سطح پر اثرانداز ہونے والی کارکردگی پیش کی ہے،نسٹ اس وقت کیو ایس ورلڈ یونیورسٹی رینکنگ 2025-26 کے مطابق دنیا کی 371 ویں، ایشیا کی 67 ویں اور جنوبی ایشیا کی 6 ویں بہترین درسگاہ ہے۔محققین کا انتخاب جن اصولوں پر کیا جاتا ہے ان میں تحقیقی حوالہ جات، ایچ-انڈیکس اور مختلف علمی شعبوں میں کردار جیسے عوامل شامل ہیں۔

اس سال نسٹ کے سائنسدان 10 متعلقہ اداروں سے مسلک ہیں اور 15 مختلف شعبوں کی نمائندگی کر رہے ہیں جن میں مصنوعی ذہانت، سگنل پروسیسنگ، کیمیکل و مکینیکل انجینئرنگ، نینو ٹیکنالوجی، طبیعیات، سائبر سکیورٹی، کمپیوٹر سائنس، ریاضیات اور دیگر مضامین شامل ہیں۔نسٹ کے ان نمایاں محققین میں ڈاکٹر معراج مصطفیٰ، ڈاکٹر عرفان احمد رانا، ڈاکٹر مبشر جمیل، ڈاکٹر طیبہ نور، ڈاکٹر محمد عثمان اکرم، ڈاکٹر صفیہ اکرم، ڈاکٹر افتخار حسین گل، ڈاکٹر رضوان الحق، ڈاکٹر محمد بلال خان نیازی، ڈاکٹر آصف حسین خواجہ، ڈاکٹر محمد تقی مہران ڈاکٹر عدیل وقاص، ڈاکٹر شاہد علی خان، ڈاکٹر خورشید محمد، ڈاکٹر زیب جہاں ڈاکٹر غلام علی، ڈاکٹر فیصل شفایت، ڈاکٹر حسن علی خٹک، ڈاکٹر طاہر محمود، ڈاکٹر سید علی حسن، ڈاکٹر عمران مخدوم، ڈاکٹر عمران اختر، ڈاکٹر سید شعیب احمد شاہ، ڈاکٹر محمد یاسین، ڈاکٹر محمد عمران، ڈاکٹر محمد ناصر امین، ڈاکٹر جواد احمد، ڈاکٹر محمد معظم فراز، ڈاکٹر سید سجاد حیدر زیدی، ڈاکٹر نسیم اقبال، ڈاکٹر حسن الہی، ڈاکٹر ارم پرویز، ڈاکٹر محمد ساجد، ڈاکٹر عثمان، ڈاکٹر عمران شفیع، ڈاکٹر منظر سہیل، ڈاکٹر عمران اللہ، ڈاکٹر اخونزادہ عدنان، ڈاکٹر ابرار حسین، ڈاکٹر طاہر عزیز احمد، ڈاکٹر احمد جاوید، ڈاکٹر سید علی رضوان، افیراح شفیع، فرقان فاروق، سید حسن احمد، ارشد عالم خان اور حافظ محمد عامر شامل ہیں۔