یورپ اسرائیل سے تمام تعلقات منقطع کردے، نائب وزیراعظم اسپین

اسرائیل نے عالمی قوانین کی خلاف ورزی کی لیکن یورپی برادری نے اس صورتحال سے صرف نظر کیا،بیان

ہفتہ 4 اکتوبر 2025 16:37

میڈرڈ(اُردو پوائنٹ اخبارتازہ ترین - این این آئی۔ 04 اکتوبر2025ء)اسپین کی نائب وزیرِاعظم یولنزا ڈیاز نے یورپی یونین سے مطالبہ کیا ہے کہ وہ اسرائیل سے تمام تر تعلقات ختم کرلیں۔غیرملکی میڈیا کے مطابق ہسپانوی نائب وزیراعظم یولنزا ڈیاز نے کہا ہے کہ میں نے عالمی برادری بالخصوص یورپ کو یہ پیغام دینا چاہوں گی کہ اسرائیل سے ہر قسم کے معاہدے ختم کرکے قطع تعلق کرلیا جائے۔

یولنزا ڈیاز نے کہا کہ اسرائیل نے عالمی قوانین کی خلاف ورزی کی لیکن یورپی برادری نے اس صورتحال سے صرف نظر کیا۔

(جاری ہے)

یورپی یونین نے جب دیکھا کے روسی صدر پیوٹن نے عالمی قوانین کی خلاف ورزی کرتے ہوئے یوکرین پر قبضہ کیا تو یورپ نے روس پر پابندیاں عائد کردیں، لیکن غزہ کے معاملے پر ہم نے ایسا نہیں کیا، کیا یہ دونوں معاملات ایک جیسے نہیں ہیں انہوں نے کہا کہ ہم جانتے ہیں کہ غزہ کا معاملہ بھی یوکرین جیسا ہی ہے۔انہوں نے مزید کہا کہ ہمیں اس کی مثال بنانی چاہیے، دنیا بھر میں لوگ اس کے لیے سڑکوں پر نکلے ہوئے ہیں، یورپی کی ایک بڑی آبادی اس پر آواز اٹھا رہی ہے لیکن یورپی آبادی اور یورپی کمیشین کے درمیان ایک فرق ہے۔