چناری‘جوائنٹ عوامی ایکشن کمیٹی کی کال پر جہلم ویلی میں چھ روز سے بند موبائل،انٹر سروسز بحال،بازار کھل گئے،چہل پہل شروع،ٹریفک بحال

ہفتہ 4 اکتوبر 2025 22:38

چناری (اُردو پوائنٹ اخبارتازہ ترین - آن لائن۔ 04 اکتوبر2025ء)جموں و کشمیرجوائنٹ عوامی ایکشن کمیٹی کی کال پر جہلم ویلی میں چھ روز سے بند موبائل،انٹر سروسز بحال،بازار کھل گئے،چہل پہل شروع،ٹریفک بحال ۔

(جاری ہے)

تفصیلات کے مطابق آزاد کشمیر کے ضلع جہلم ویلی میں 28 ستمبر سے بند موبائل،انٹرنیٹ سروسز بحال کردی گئیں،ہٹیاں بالا،چکار،وادی لیپہ،چناری،چکوٹھی،وادی کھلانہ،گوجر بانڈی،کھٹائی،لمنیاں،ریشیاں،سائیں سمیت چھوٹے،بڑے تمام بازار کھل گئے،ہفتہ کے روز سرکاری اور پرائیویٹ تعلیمی اداروں میں طالب علموں کی حاضری نہ ہونے کے برابر رہی،جوائنٹ ایکشن کمیٹی کی ہڑتال کے دوران شہید ہونے والے پولیس اور سول جوانوں کی شہادتوں کے باعث ہر چہرہ افسردہ نظر آیا،پانچ روز سے ہڑتال کے باعث بازاروں ،سرکاری اداروں اور تعلیمی اداروں میں معمول کے مطابق حاضری نظر آئی ،آج اتوار کے روز تعطیل کے باعث بھی بازاروں میں عوام کی کم تعداد کے آنے کے امکانات ہیں ،البتہ پیر کے روز جہلم ویلی بھر سمیت پورے آزاد کشمیر میں زندگی معمول کے مطابق لوٹ آئے گی ۔