کشمیریوں سے متعلق پولیس سے منسوب آڈیو جعلی ہے، اسلام آباد پولیس

شہری ایسی گمراہ کن افواہوں اور پروپیگنڈے پر کان مت دھریں، گمراہ کن افواہ پھیلانا جرم ہے، قانونی کارروائی عمل میں لائی جائے گی، ترجمان

اتوار 5 اکتوبر 2025 21:25

اسلام آباد (اُردو پوائنٹ اخبارتازہ ترین - این این آئی۔ 05 اکتوبر2025ء)اسلام آباد پولیس نے سوشل میڈیا پر کشمیریوں سے متعلق زیرِ گردش پولیس سے منسوب آڈیو جعلی قرار دیدی۔سوشل میڈیا پر زیرِ گردش مبینہ متنازع آڈیو کے معاملے پر اسلام آباد پولیس نے ردِعمل دیتے ہوئے کہاکہ پولیس سے منسوب آڈیو جعلی ہے۔

(جاری ہے)

ترجمان پولیس نے کہا ہے کہ جڑواں شہروں کی بائونڈری پر کشمیریوں کی خصوصی چیکنگ کی باتیں گمراہ کن ہیں۔ترجمان نے کہا کہ اسلام آباد پولیس کو ایسی کوئی ہدایات جاری نہیں کی گئیں، معمول کی چیکنگ سب شہریوں کے لیے برابر ہے۔ترجمان نے کہا کہ شہری ایسی گمراہ کن افواہوں اور پروپیگنڈے پر کان مت دھریں، گمراہ کن افواہ پھیلانا جرم ہے، قانونی کارروائی عمل میں لائی جائے گی۔