راولپنڈی پولیس کی جانب سے شہر بھر میں گرجا گھروں کی سکیورٹی کیلئے سخت اور مؤثر انتظامات

اتوار 5 اکتوبر 2025 21:50

راولپنڈی (اُردو پوائنٹ اخبارتازہ ترین - اے پی پی۔ 05 اکتوبر2025ء) راولپنڈی پولیس کی جانب سے شہر بھر میں گرجا گھروں کی سکیورٹی کے لیے سخت اور مؤثر انتظامات کئے گئے ہیں۔ پولیس ترجمان کے مطابق راولپنڈی پولیس کے 400 سے زائد افسران و جوان سکیورٹی کے فرائض انجام دے رہے ہیں۔

(جاری ہے)

سینئر افسران مختلف مقامات کا دورہ کر کے ڈیوٹی پر مامور اہلکاروں کو سکیورٹی کے امور پر بریفنگ دے رہے ہیں اور ان کی حاضری و کارکردگی کو چیک کر رہے ہیں۔

سکیورٹی پلان کے تحت تھانوں کی موبائلز، ایلیٹ فورس اور ڈولفن فورس کی خصوصی ٹیمیں شہر کے حساس علاقوں میں گشت کر رہی ہیں تاکہ کسی بھی ممکنہ ناخوشگوار واقعے سے بروقت نمٹا جا سکے۔ سی پی او سید خالد ہمدانی نے کہا کہ شہریوں کے جان و مال کا تحفظ پولیس کی اولین ذمہ داری ہے اور اس مقصد کے لیے تمام دستیاب وسائل بروئے کار لائے جا رہے ہیں۔