لندن،چیئرمین سینیٹ سے ڈپٹی میئرسلائوعاصم رانجھاکی ملاقات

لندن میں مقیم پاکستانیوں کی محنت سے ملک کا تشخص بہتر ہوا ،دونوں ممالک کے تعلقات تاریخی، باہمی احترام اور مشترکہ اقدار پر مبنی ہیں، یوسف رضا گیلانی

پیر 6 اکتوبر 2025 16:31

لندن،چیئرمین سینیٹ سے ڈپٹی میئرسلائوعاصم رانجھاکی ملاقات

اسلام آباد(اُردو پوائنٹ اخبارتازہ ترین - این این آئی۔ 06 اکتوبر2025ء) چیئرمین سینیٹ سید یوسف رضا گیلانی نے کہا ہے کہ لندن میں مقیم پاکستانیوں کی محنت سے ملک کا تشخص مزید بہتر ہوا ،پاکستان اور برطانیہ کے تعلقات تاریخی، باہمی احترام اور مشترکہ اقدار پر مبنی ہیں۔پیرکو سینٹ سیکرٹریٹ سے جاری بیان کے مطابق یوسف رضا گیلانی سے لندن میں ڈپٹی میئر سلائو عاصم رانجھا نے ملاقات کی جس میں بیرسٹر اصغر رانجھا بھی شریک تھے ۔

(جاری ہے)

چیئر مین سینیٹ نے عاصم رانجھا کی پاکستانی کمیونٹی کیلئے خدمات کو سراہا۔یوسف رضا گیلانی نے کہا کہ بیرون ملک پاکستانی ہمارے حقیقی سفیر ہیں،پاکستانی کمیونٹی برطانیہ میں خیرسگالی اور تعاون کو فروغ دے رہی ہے۔ انہوں نے کہا کہ لندن میں مقیم پاکستانیوں کی محنت سے ملک کا تشخص مزید بہتر ہوا ،پاکستان اور برطانیہ کے تعلقات تاریخی، باہمی احترام اور مشترکہ اقدار پر مبنی ہیں، پاکستان پارلیمانی روابط، تجارت، تعلیم اور کمیونٹی ڈویلپمنٹ میں تعاون بڑھانے کا خواہاں ہے۔