ڈاکٹرفتح محمد مری جامعہ سندھ کے وائس چانسلر مقرر، نوٹیفکیشن جاری

پیر 6 اکتوبر 2025 16:31

کراچی(اُردو پوائنٹ اخبارتازہ ترین - این این آئی۔ 06 اکتوبر2025ء) وزیر اعلیٰ سندھ سید مراد علی شاہ نے ڈاکٹر فتح محمد مری کو آئندہ چار برس کیلئے جامعہ سندھ کا وائس چانسلر مقرر کر دیا۔حکومت سندھ کی جانب سے باقاعدہ طور پر نوٹفکیشن بھی جاری کر دیا گیا۔

(جاری ہے)

جامعہ سندھ میں وائس چانسلر کی آسامی گزشتہ 9ماہ سے ڈاکٹر صدیق کلہوڑو کی مدت مکمل ہونے کے باعث خالی تھی اور ڈاکٹر خلیل الرحمان کمباٹی بطور قائم مقام وائس چانسلر کام کر رہے تھے۔

تلاش کمیٹی نے جامعہ سندھ کے وی سی کے عہدے کے 3نام وزیر اعلیٰ سندھ کو بھیجے تھے جن میں ٹنڈو جام زرعی یونیورسٹی کے سابق وی سی ڈاکٹر فتح محمد مری 74.40نمبر حاصل کر کے پہلے نمبر پر تھے۔ڈاکٹر خلیل الرحمان کمباٹی 63.20نمبر حاصل کر کے دوسرے ،جبکہ ڈاکٹر طارق رحیم سومرو 63نمبر حاصل کے تیسرے نمبر پر تھے۔