آزاد کشمیر پولیس اپنے فرائض منصبی کی انجام دہی میں کسی قربانی سے دریغ نہیں کرے گی،سپرنٹنڈنٹ پولیس جہلم ویلی

منگل 7 اکتوبر 2025 14:10

جہلم ویلی(اُردو پوائنٹ اخبارتازہ ترین - این این آئی۔ 07 اکتوبر2025ء) حالیہ احتجاج کے دوران آزاد کشمیر بھر میں ڈیوٹی سر انجام دیتے ہوئے شہید ہونے والے پولیس آفیسران کے ایصال ثواب کے لیے تھانہ پولیس سٹی ہٹیاں بالا کی مسجد میں قرآن خوانی کے بعد دعائیہ تقریب کا انعقاد کیا گیا۔

(جاری ہے)

منعقدہ تقریب میں سید عباس علی سپرنٹنڈنٹ پولیس جہلم ویلی، محترمہ بینش جرال ڈپٹی کمشنر، عبدالخالق ڈی ایس پی صدر مقام،محمد شفیق ڈی ایس پی لیپا،سجاد احمد پی ڈی ایس پی، ایس ایچ او تھانہ سٹی و دیگر آفیسران پولیس نے شرکت کی۔

ملک میں بحالی امن عامہ کے لیے اپنی جانوں کا نظرانہ پیش کرنے والے پولیس آفیسران کو خراج تحسین پیش کرتے ہوئے اس عزم کا اعادہ کیا کہ آئیندہ بھی آزادکشمیر پولیس اپنے فرائض منصبی کی انجام دہی میں کسی قربانی سے دریغ نہیں کرے گی۔تقریب میں زخمی ہونے والے پولیس آفیسران کی جلد صحت یابی کے لیے بھی خصوصی دعائیں کی گئیں۔