اداکارہ آہانا کو پون سنگھ کے فینز نے جان سے مارنے اور ریپ کی دھمکیاں

بدھ 8 اکتوبر 2025 17:17

ممبئی (اُردو پوائنٹ اخبارتازہ ترین - این این آئی۔ 08 اکتوبر2025ء) بھارتی ٹیلی ویژن اور فلموں کی اداکارہ آہانا کومرا کو بھوج پوری اداکار و سیاستداں پون سنگھ کے فینز نے جان سے مارنے اور ریپ کی دھمکیاں دی ہیں۔اس حوالے سے بتایا جاتا ہے کہ آہانا کو پون سنگھ پر کمنٹ کرنے کے بعد سے ریئلیٹی شو رائز اینڈ فال سے ایلیمنیٹ کروانے، جان سے مارنے اور ریپ کی دھمکیاں مل رہی ہیں۔

پون سنگھ اس سے قبل کے شو میں کنٹسٹینٹ تھے۔ اگرچہ دونوں نے بعد میں اسٹیج پر ایکدوسرے سے معذرت کرلی تھی۔

(جاری ہے)

تاہم لگتا ہے کہ پون سنگھ کے پرستار آہانا کو معاف کرنے پر تیار نہیں اور انھیں سوشل میڈیا پر شو سے نکلوانے کی دھمکیاں دے رہے ہیں۔ بھارتی میڈیا اداروں کے ساتھ گفتگو کرتے ہوئے لکھنو سے تعلق رکھنے والی 40 سالہ آہانا نے کہا کہ جب میں شو سے باہر نکلی تو مجھے بہت زیادہ موت اور ریپ کی دھمکیاں ملیں۔

آہانا نے کہا میں نے ان ساری دھمکیوں کے اسکرین شوٹس شو کے مالکان کو بھجوائے، کہ مجھے دھمکیاں کیوں مل رہی ہیں میں نے تو ایسی کوئی بات نہیں کہی تھی اور تو نہ کسی کو گالی دی اور نہ ہی کچھ اور کہا تھا۔یاد رہے کہ پون سنگھ پر گزشتہ روز ہی انکی اہلیہ نے بے وفائی اور دیگر خواتین کے ساتھ تعلقات کا الزام عائد کیا ہے۔