لاہور ،مبینہ پولیس مقابلے میں ملزم اپنے ہی ساتھیوں کی فائرنگ سے ہلاک

بدھ 8 اکتوبر 2025 12:48

لاہور (اُردو پوائنٹ اخبارتازہ ترین - این این آئی۔ 08 اکتوبر2025ء) کاہنہ تھانہ کی حدود میں سی سی ڈی کے مبینہ پولیس مقابلے میں زیر حراست ملزم اپنے ہی ساتھیوں کی فائرنگ سے ہلاک ہو گیا۔

(جاری ہے)

سی سی ڈی پولیس ذرائع کے مطابق ہلاک ملزم کو سی سی ڈی کاہنہ تھانہ کی حدود میں نشاندہی کے لئے لے کر گئی، ہلاک ملزم کے ساتھیوں نے پولیس پر فائرنگ کر دی، ساتھیوں نے زیر حراست ملزم کو چھڑوانے کے لئے حملہ کیا، ایک ملزم ساتھیوں کی فائرنگ سے ہلاک ہو گیا اور دوسرا ساتھی فرار ہو گیا۔سی سی ڈی پولیس کے مطابق ہلاک ملزم کی لاش مردہ خانہ منتقل کر دی گئی، ملزم سنگین وارداتوں میں ملوث تھا۔