پنجاب حکومت نے صارفین کے حقوق کے تحفظ کیلئے مزید 17 اضلاع میں کنزیومر پروٹیکشن کونسلز قائم کر دی

جمعہ 10 اکتوبر 2025 19:51

لاہور (اُردو پوائنٹ اخبارتازہ ترین - اے پی پی۔ 10 اکتوبر2025ء) پنجاب حکومت نے صارفین کے حقوق کے تحفظ کیلئے مزید 17 اضلاع میں کنزیومر پروٹیکشن کونسلز قائم کردی، دائرہ کار 35 اضلاع تک بڑھ گیا۔گورنر پنجاب نے پنجاب کنزیومر پروٹیکشن ایکٹ 2005 کے تحت کونسلز کے قیام کی منظوری دی۔سیکرٹری پرائس کنٹرول کے جاری کردہ نوٹیفکیشن کے مطابق اشیاکے معیار کے ساتھ ساتھ اب سروسز فراہمی میں دشواری بارے شکایات کا اندراج کروایا جاسکے گا۔

راولپنڈی، لاہور، فیصل آباد، سیالکوٹ، گوجرانوالہ، اٹک، جہلم، نارووال، چنیوٹ، قصور، خوشاب، ٹوبہ ٹیک سنگھ، اوکاڑہ، خانیوال ، لودھراں، مظفرگڑھ، حافظ آباد، جھنگ، پاکپتن، راجن پور، شیخوپورہ اور وہاڑی میں بھی کونسلز قائم کی گئی ہیں۔ڈائریکٹر کنزیومر پروٹیکشن کونسل عمران قریشی کو محکمانہ استعداد کار میں اضافے کی بھی ہدایت کردی گئی ہے۔

(جاری ہے)

سیکرٹری پرائس کنٹرول ڈاکٹر کرن خورشید نے کہا کہ صارفین کو فوری اور مو ثر انصاف کی فراہمی حکومت کی اولین ترجیح ہے، عوامی شکایات کے بروقت ازالے متعلقہ ڈپٹی کمشنر دفتر میں ہی کونسل موجود ہوگی، کنزیومر پروٹیکشن کونسلز کے قیام سے عوامی شکایات کے ازالے کا نظام مزید مو ثر ہو گا، صارفین کے حقوق کے تحفظ کے حوالے سے یہ اقدام صوبائی سطح پر سنگِ میل ثابت ہو گا۔سیکرٹری پرائس کنٹرول نے واضح کیا کہ کنزیومر پروٹیکشن کونسل کی ہیلپ لائن اور ایپلی کیشن کا جلد اجراکیا جائے گا۔