ہری پور پولیس کی کارروائی، 2 منشیات فروش چرس و آئس سمیت گرفتار

ہفتہ 11 اکتوبر 2025 13:04

ایبٹ آباد (اُردو پوائنٹ اخبارتازہ ترین - اے پی پی۔ 11 اکتوبر2025ء) ہری پور پولیس نے ایک کارروائی کے دوران 2 منشیات فروشوں کو رنگے ہاتھوں گرفتار کر کے 4 کلو سے زائد چرس چرس اور آئس برآمد کر لی۔ ہری پور پولیس کے مطابق ڈی پی او فرحان خان کی ہدایت پر منشیات فروشوں کے خلاف کارروائیوں کا سلسلہ جاری ہے۔

(جاری ہے)

ایس ایچ او تھانہ غازی انسپکٹر راجہ ممتاز ترک نے پولیس نفری کے ہمراہ کاروائی کرتے ہوئے منشیات فروش سلطان علی ولد معرفت خان اور اسلم شاہ ولد جمشید ساکنان خالو کو گرفتار کر کے قبضہ سے 3 کلو 947 گرام چرس اور 210 گرام آئس برآمد کر لی۔ ملزمان کے خلاف منشیات ایکٹ کے تحت مقدمہ درج کر کے تفتیش شروع کر دی گئی ہے۔