ابھیشیک شرما کو تین گیندوں پر آؤٹ کردوں گا، احسان اللہ کے بیان پر سابق کرکٹر برس پڑے

کیا پتا آپ اس کے سامنے آؤ اور وہ مار مار کر آپ کا برا حال کردے، مجھے ہنسی آتی ہے یہ کیسی کیسی باتیں کرتے ہیں ، تنویر احمد کا ردعمل

ذیشان مہتاب اتوار 12 اکتوبر 2025 15:22

ابھیشیک شرما کو تین گیندوں پر آؤٹ کردوں گا، احسان اللہ کے بیان پر سابق ..

لاہور (اردو پوائنٹ تازہ ترین اخبار ۔ 12 اکتوبر 2025ء ) سابق فاسٹ بولر تنویر احمد نے احسان اللہ کے بیان پر ردعمل دیتے ہوئے کہا کہ آپ کیسے کہہ سکتے ہو کہ ابھیشیک شرما کو تین گیندوں پر آؤٹ کردوں گا۔

سابق فاسٹ بولر تنویر احمد نے کہا کہ ہمارے کھلاڑیوں میں یہ مسائل ہیں کہ ابھیشیک شرما کو تین گیندوں پر یا چھ گیندوں پر آؤٹ کردوں گا، آپ کا یہ بات کرنے کا مقصد ہی نہیں بنتا بے شک آپ انٹرنیشنل کرکٹ کھیل رہے ہو۔

انہوں نے کہا کہ وسیم اکرم نہیں کہہ سکتے کہ میں بول کر ایڈم گلکرسٹ کو آؤٹ کردوں گا، میں بول کر تین گیندوں پر میتھیو ہیڈن کو آؤٹ کردوں گا۔

تنویر احمد نے کہا کہ کوئی یہ نہیں کہہ سکتا، کیا پتا آپ اس کے سامنے آؤ اور وہ مار مار کر آپ کا برا حال کردے، مجھے ہنسی آتی ہے کہ یہ کیسی کیسی باتیں کرتے ہیں۔

(جاری ہے)

سابق کرکٹر نے کہا کہ میں دنیا کا جتنا بڑا بھی سپر اسٹار ہے اسے چیلنج کرتا ہوں کوئی یہ نہیں کہہ سکتا کہ میں اسے بول کر آؤٹ کردوں گا۔

میزبان نے کہا کہ ہوسکتا ہے کہ احسان اللہ کو ابھیشیک شرما کی کوئی کمزوری دکھائی دیتی ہو اس لیے انہوں نے ایسا کہا۔

جواب میں تنویر احمد نے کہا کہ کمزوری ہر کسی بڑے یا چھوٹے کھلاڑی میں ہوتی ہے لیکن آپ اس کے لیے یہ الفاظ استعمال نہیں کرسکتے۔

واضح رہے کہ گزشتہ دنوں فاسٹ بولر احسان اللہ نے کہا تھا کہ ابھیشیک شرما کا سامنا ہوا تو میں اسے تین گیندوں میں آؤٹ کردوں گا۔

Facebook Twitter Google + Share on Whatsapp

ابھیشیک شرما کو تین گیندوں پر آؤٹ کردوں گا، احسان اللہ کے بیان پر سابق کرکٹر برس پڑے

کیا پتا آپ اس کے سامنے آؤ اور وہ مار مار کر آپ کا برا حال کردے، مجھے ہنسی آتی ہے یہ کیسی کیسی باتیں کرتے ہیں ، تنویر احمد کا ردعمل

متعلقہ عنوان :

مزید کھیلوں کی خبریں