لاہور ٹیسٹ: پاکستان نے چائے کے وقفے پر 4 وکٹوں پر 199 رنز بنالیے

امام الحق نروس نائنٹیز کا شکار

ذیشان مہتاب اتوار 12 اکتوبر 2025 14:41

لاہور ٹیسٹ: پاکستان نے چائے کے وقفے پر 4 وکٹوں پر 199 رنز بنالیے

لاہور (اردو پوائنٹ تازہ ترین اخبار ۔ 12 اکتوبر 2025ء ) دو ٹیسٹ میچوں کی سیریز کے پہلے میچ میں پاکستان نے جنوبی افریقا کے خلاف پہلی اننگز میں چائے کے وقفے پر 4 وکٹوں کے نقصان پر 199 رنز بنا لیے ہیں۔

پاکستان نے جنوبی افریقا کے خلاف پہلے ٹیسٹ میچ میں ٹاس جیت کر پہلے بیٹنگ کرنے کا فیصلہ کیا ۔

پاکستان کی جانب سے عبداللہ شفیق اور امام الحق نے اننگز کا آغاز کیا لیکن عبداللہ شفیق صرف 2 رن بنا کر آؤٹ ہو گئے۔

پاکستان کی دوسری وکٹ 163 رنز پر گر گئی جب شان مسعود 76 رنز بنا کر آوٹ ہوئے، امام الحق نروس نائنٹیز کا شکار ہوئے، سعود شکیل بھی بغیر کوئی رن بنائے پوویلین لوٹے۔

اس سے قبل لاہور میں کھیلے جارہے ٹیسٹ میچ میں 38 سالہ آصف آفریدی ڈیبیو نہیں کرسکے، ساجد خان وائرل فیور سے صحیتاب ہوکر ٹیم میں شامل ہوگئے۔

(جاری ہے)

ساجد خان وائرل فیور کے باعث لاہور ٹیسٹ سے قبل ٹیم کے ساتھ پریکٹس نہیں کرسکے تھے اور ٹیم منیجمنٹ بائیں ہاتھ کے سپنر نعمان علی کے ساتھ آصف آفریدی کو کھلانے پر آمادہ ہوگئی تھی۔

پاکستان ٹیم دو سپیشلسٹ اسپنرز اور دو اسپیشلسٹ فاسٹ بولرز کے ساتھ میدان میں اتری۔

دوسری جانب جنوبی افریقی ٹیم کا بولنگ اٹیک تین سپیشلسٹ اسپنرز کے ساتھ ایک اسپیشلسٹ فاسٹ بولر پر مشتمل ہے۔

پاکستان پلیئنگ الیون: امام الحق، عبداللہ شفیق، شان مسعود (کپتان)، بابر اعظم، سعود شکیل، محمد رضوان، سلمان آغا، حسن علی، شاہین آفریدی، نعمان علی، ساجد خان

جنوبی افریقا پلیئنگ الیون: ٹونی ڈی زورزی، ریان رکلٹن، ویان مولڈر، ایڈن مارکرام (کپتان)، ٹرسٹان اسٹبس، ڈیوالڈ بریوس، کائل ویرین، سین متھوسمی، پرینلان سبرائین، کگیسو ربادا، سائمن ہارمر