چین اوریورپی یونین کا غزہ میں مغویوں کی رہائی کا خیرمقدم ، ٹرمپ کے کردارکی تعریف

پیر 13 اکتوبر 2025 20:02

بیجنگ / برسلز(اُردو پوائنٹ اخبارتازہ ترین - این این آئی۔ 13 اکتوبر2025ء) چین اور یورپی یونین نے غزہ میں جنگ بندی معاہدے کے تحت حماس کی جانب سے اسرائیلی مغویوں کی رہائی کا خیرمقدم کیا ہے۔

(جاری ہے)

عالمی خبر رساں ادارے کے مطابق چینی وزارتِ خارجہ کے ترجمان لن جیان نے ایک پریس کانفرنس میں کہا کہ چین اس پیشرفت کو خوش آئند سمجھتا ہے اور خطے میں استحکام اور امن کے قیام کی ضرورت پر زور دیتا ہے۔دوسری جانب یورپی یونین کی خارجہ پالیسی کی سربراہ کایا کالاس نے بھی مغویوں کی رہائی کو ‘‘امن کی جانب ایک اہم سنگِ میل’’ قرار دیا۔ انہوں نے سوشل میڈیا پلیٹ فارم ایکس (X) پر جاری بیان میں امریکی صدر ڈونلڈ ٹرمپ کے کردار کو سراہتے ہوئے کہا کہ صدر ٹرمپ نے اس تاریخی پیشرفت کو ممکن بنایا۔