لاہور پولیس کی جانب سے بجلی چوروں کے خلاف بلاامتیاز کارروائیاں جاری

منگل 14 اکتوبر 2025 15:09

لاہور (اُردو پوائنٹ اخبارتازہ ترین - این این آئی۔ 14 اکتوبر2025ء) لاہور پولیس کی جانب سے بجلی چوروں کے خلاف بلا امتیاز کارروائیاں جاری ہیں، اس ضمن میں سال 2025 ء میں تاحال بجلی چوری میں ملوث 26457 ملزمان کو گرفتارکر کی21184مقدمات درج کئے گئے ہیں۔ترجمان لاہور پولیس نے بتایا کہ کینٹ ڈویژن سی9125، صدر ڈویژن سی5393 اور سٹی ڈویژن سے 3095 بجلی چور وں کو گرفتار کر کے شہر کے مختلف تھانوں میں ان کے خلاف مقدمات کا اندراج کیا گیا ہے۔

(جاری ہے)

سی سی پی او بلال صدیق کمیانہ نے کہا کہ بجلی چوری کے خلاف مہم میں پولیس بھرپورقانونی معاونت مہیا کر رہی ہے۔سی سی پی او لاہور نے فیلڈ افسران کو بجلی چوری کے خلاف کارروائیاں جاری رکھنے کی ہدایات دیتے ہوئے کہا کہ بجلی چوری کی شکایات پر فوری ردعمل دیں اور متعلقہ اداروں سے قریبی رابطہ رکھیں۔سی سی پی او لاہور نے کہا کہ بجلی چوری کے مقدمات میں ملزمان کے خلاف بلا تفریق کارروائی کی جائے۔بلال صدیق کمیانہ نے کہا کہ پراسیکیوشن ڈیپارٹمنٹ کی معاونت سے بجلی چوری کے مقدمات کو منطقی انجام تک پہنچایا جائے۔