مکران ڈویژن میں بین الاقوامی انسدادِ بدعنوانی کا دن منایا گیا

منگل 14 اکتوبر 2025 19:50

کوئٹہ (اُردو پوائنٹ اخبارتازہ ترین - اے پی پی۔ 14 اکتوبر2025ء) مکران ڈویژن میں بین الاقوامی انسدادِ بدعنوانی کا دن منایا گیا۔ اس مقوع پر تقریب منعقد کی گئی جس میں طلبہ و طالبات جبکہ ڈویژنل ڈائریکٹر ایجوکیشن (اسکولز) مکران ڈویژن اور ڈپٹی ڈائریکٹر اینٹی کرپشن مکران نے بطور مہمانِ خصوصی شرکت کی۔

(جاری ہے)

تقریب کے دوران مختلف مقابلے منعقد کیے گئے جن میں طلبہ نے بدعنوانی کے خاتمے اور شفاف نظام کے قیام کے حوالے سے اپنے خیالات کا اظہار کیا۔

گورنمنٹ گرلز ہائی سکول بخشی کالونی گوادر کی طالبہ حلیمہ عبدالسلام (کلاس دہم) نے اردو تقریری مقابلے میں پہلی پوزیشن حاصل کر کے ضلع اور ادارے کا نام روشن کیا۔تقریب مہمان خصوصی نے نمایاں کارکردگی دکھانے والی طالبات کو مبارک باد پیش کی اور اس عزم کا اظہار کیا کہ نوجوان نسل میں ایمانداری، دیانت اور شفافیت کے فروغ کے لیے ایسے پروگرام مستقبل میں بھی جاری رہیں گے۔