کراچی، گلبرگ اور شریف آباد میں پولیس مقابلے، دو ڈاکو زخمی حالت میں گرفتار

بدھ 15 اکتوبر 2025 13:08

کراچی(اُردو پوائنٹ اخبارتازہ ترین - این این آئی۔ 15 اکتوبر2025ء) شہر قائد میں جرائم پیشہ عناصر کے خلاف پولیس نے گلبرگ اور شریف آباد کے علاقوں میں دو علیحدہ مبینہ مقابلوں کے بعد دو زخمی ڈاکوؤں کو گرفتار کر لیا جبکہ ان کے قبضے سے اسلحہ، موٹرسائیکل، موبائل فونز اور نقدی برآمد کی گئی۔گلبرگ پولیس نے لنڈی کوتل چورنگی کے قریب مبینہ مقابلے کے بعد ایک ڈاکو کو زخمی حالت میں گرفتار کر لیا۔

(جاری ہے)

چھیپا حکام کے مطابق زخمی ملزم کو فوری طور پر عباسی شہید ہسپتال منتقل کیا گیا، جہاں اس کی شناخت صالح محمد کے نام سے ہوئی ہے۔پولیس نے ملزم کے قبضے سے ایک پستول، دو موبائل فون، نقدی اور موٹرسائیکل برآمد کی ہے۔دوسری جانب شریف آباد پولیس نے سراج الدولہ کالج ریلوے پھاٹک کے قریب کارروائی کرتے ہوئے 28 سالہ نادر علی لاشاری نامی ملزم کو زخمی حالت میں حراست میں لے لیا۔زخمی ڈاکو کو عباسی شہید ہسپتال منتقل کیا گیا جبکہ اس کے دو ساتھی فرار ہونے میں کامیاب ہو گئے۔ پولیس نے گرفتار ملزم سے اسلحہ، موٹرسائیکل اور دیگر مسروقہ سامان برآمد کیا ہے۔