بلاول ہائوس لاہور کی سکیورٹی واپس لینے کی خبریں سراسر جھوٹ اور من گھڑت ہیں، عظمی بخاری

بدھ 15 اکتوبر 2025 23:20

لاہور (اُردو پوائنٹ اخبارتازہ ترین - اے پی پی۔ 15 اکتوبر2025ء) وزیر اطلاعات و ثقافت پنجاب عظمی بخاری نے بلاول ہائوس لاہور کی سکیورٹی واپس لینے سے متعلق خبروں کو سختی سے مسترد کر دیا ہے۔ اپنے بیان میں انہوں نے کہا ہے کہ بلاول ہائوس لاہور کی سکیورٹی واپس لینے کی خبریں سراسر جھوٹ اور من گھڑت ہیں، ان کا حقیقت سے کوئی تعلق نہیں۔

(جاری ہے)

انہوں نے میڈیا اور صحافی برادری پر زور دیا کہ وہ غیر مصدقہ اور فیک خبریں چلانے سے گریز کریں اور صحافتی اصولوں کے مطابق درست معلومات عوام تک پہنچائیں۔

عظمی بخاری نے واضح کیا کہ بلاول ہائوس لاہور میں سکیورٹی معمول کے مطابق موجود ہے اور کسی قسم کی تبدیلی نہیں کی گئی۔انہوں نے کہا کہ عوام میں بے بنیاد افواہیں پھیلانے کی کوئی گنجائش نہیں ہونی چاہئے، ذمہ دارانہ صحافت وقت کی اہم ضرورت ہے۔