ماہِ اکتوبر میں 396 اشتہاری،172عادی مجرمان کی گرفتاری عمل میں لائی گئی،بلال صدیق کمیانہ

جمعرات 16 اکتوبر 2025 11:40

لاہور (اُردو پوائنٹ اخبارتازہ ترین - اے پی پی۔ 16 اکتوبر2025ء) سی سی پی او لاہور بلال صدیق کمیانہ نے کہا کہ لاہور پولیس کی اشتہاری و عادی مجرمان کے خلاف کارروائیاں جاری ہیں ، ماہِ اکتوبر میں 396 اشتہاری اور172عادی مجرمان کی گرفتاری عمل میں لائی گئی۔جمعرات کو جاری بیان میں سی سی پی او لاہور نے بتایا کہ رواں سال میں 25799 اشتہاری اور9360عادی مجرمان کو گرفتار کیا گیا۔

(جاری ہے)

سی سی پی او نے کہا کہ اشتہاری مجرمان کی گرفتاریاں پولیس کی بہترین حکمت عملی کا نتیجہ ہیں،اشتہاری مجرمان کی گرفتاریوں سے مقدمات کو نمٹانے میں مددملے گی۔ بلال صدیق کمیانہ نے کہا کہ سنگین مقدمات میں مطلوب اشتہاری مجرمان کی گرفتاریوں کیلئے کارروائیوں میں تیزی لائی جائے۔ اشتہاری مجرمان کی گرفتاری کیلئے ہوٹل آئی، ٹریول آئی سے مدد لی جا رہی ہے۔اندراج کرایہ داری سمیت دیگر موبائل ایپلی کیشنز سے اشتہاری مجرمان کو ٹریس کرنے میں بھی مدد ملی ہے اشتہاری مجرمان کی گرفتاریوں کیلئے ہیومن انٹیلی جنس کے ساتھ ساتھ جدید ٹیکنالوجی سے بھی استفادہ کیا جا رہا ہے۔