پنجاب حکومت کا مریدکے واقعے پر موثر قانونی کارروائی کا فیصلہ

جمعرات 16 اکتوبر 2025 23:08

لاہور (اُردو پوائنٹ اخبارتازہ ترین - این این آئی۔ 16 اکتوبر2025ء) پنجاب حکومت نے مریدکے واقعے پر موثر قانونی کارروائی کا فیصلہ کر لیا۔صوبائی حکومت نے تحریک لبیک پاکستان (ٹی ایل پی)کے احتجاج میں گرفتار ملزمان کے کیسز کی موثر پیروی کا فیصلہ کیا ہے۔

(جاری ہے)

اس حوالے سے پنجاب حکومت نے 2سینئر وکلا کو سپیشل پراسیکیوٹر تعینات کر دیا جن میں رانا شکیل احمد خان اور چودھری خالد رشید شامل ہیں، سیکرٹری پراسیکیوشن نے سپیشل پراسیکیوٹرز کی تعیناتی کا نوٹیفکیشن بھی جاری کر دیا۔سپیشل پراسیکیوٹرز مذہبی جماعت کے احتجاج کے معاملے پر درج کیسز میں انسداد دہشت گردی عدالت اور لاہور ہائیکورٹ میں حکومت کی نمائندگی کریں گے۔