فیصل آباد ڈویژن میں غیر قانونی طور پر مقیم افغان باشندوں کے مکمل انخلاء کیلئے کریک ڈاؤن دوبارہ شروع

جمعرات 16 اکتوبر 2025 18:47

فیصل آباد (اُردو پوائنٹ اخبارتازہ ترین - اے پی پی۔ 16 اکتوبر2025ء) فیصل آباد ڈویژن میں غیر قانونی طور پر مقیم افغان باشندوں کے مکمل انخلاء کیلئے کریک ڈاؤن دوبارہ شروع کردیا گیا۔کمشنر فیصل آباد راجہ جہانگیر انور کی زیرصدارت اجلاس منعقد ہوا۔ڈپٹی کمشنرز نے اپنے اضلاع میں غیر قانونی طور پر مقیم افغانیوں کے انخلاء اور جاری کریک ڈاؤن پر بریفنگ دی۔

(جاری ہے)

کمشنر نے ضلعی انتظامیہ اور قانون نافذ کرنے والے اداروں کو ایکشن کی ہدایت کی اور کہا کہ محکمہ داخلہ پنجاب کے وضع کردہ ایس اوپیز/گائیڈ لائینز کی خلاف ورزی نہیں ہونی چاہیے۔انہوں نے کہا کہ فیصل آباد شہر کے مختلف مقامات پر کاروبار کرنے والے افغانیوں کو انفورسمنٹ کے ذریعے ہٹایا جائے اور ان کے دستاویزات کی جانچ پڑتال کریں۔میونسپل کارپوریشن کو پیرا فورس کے ساتھ مل کر فٹ پاتھس خالی کرانے کی بھی ہدایت کی۔