پاکستان پیپلز پارٹی ہمیشہ غریب اور پسماندہ طبقے کی آواز بنی رہی ہے، علی مدد جتک

جمعہ 17 اکتوبر 2025 22:53

کوئٹہ (اُردو پوائنٹ اخبارتازہ ترین - اے پی پی۔ 17 اکتوبر2025ء) پاکستان پیپلز پارٹی کے مرکزی کمیٹی کے رکن ممبر بلوچستان اسمبلی حاجی علی مدد جتک نے کہا ہے کہ پاکستان پیپلز پارٹی عوامی جماعت ہے جو ہمیشہ غریب اور پسماندہ طبقے کی آواز بنی رہی ہے۔ ہم عوام کے خادم ہیں اور ان کی ہر ممکن خدمت ان کی ترجیحات میں شامل ہے۔ یہ بات انہوں نے جمعہ کو جتک ہاؤس آصف آباد میں مختلف وفود سے گفتگو کرتے ہوے کہی۔

(جاری ہے)

اس موقع پر حاجی علی مدد جتک نے عوام کے مسائل سنے اور ان کے فوری حل کے لیے متعلقہ محکموں کو ہدایات جاری کیں۔ عوام نے شکایت کی کہ علاقے میں ترقیاتی کاموں میں سستی، صفائی ستھرائی کے ناقص انتظامات، پینے کے پانی کی قلت اور بجلی کے مسائل درپیش ہیں،جس پر حاجی علی مدد جتک نے انہیں یقین دلایا کہ سریاب کے تمام علاقوں میں ترقیاتی منصوبوں کا دائرہ وسیع کیا جائے گا تاکہ یہاں کے عوام کو بنیادی سہولیات ان کی دہلیز پر فراہم کی جا سکیں۔