یوسف رضا گیلانی کا سابق وزیر اعلیٰ سندھ آفتاب شعبان میرانی کے انتقال پر گہرے دکھ اور افسوس کا اظہار

ہفتہ 1 نومبر 2025 22:40

اسلام آباد (اُردو پوائنٹ اخبارتازہ ترین - اے پی پی۔ 01 نومبر2025ء) چیئرمین سینیٹ سید یوسف رضا گیلانی نے پاکستان پیپلز پارٹی کے سینئر رہنما اور سابق وزیر اعلیٰ سندھ آفتاب شعبان میرانی کے انتقال پر گہرے دکھ اور افسوس کا اظہار کیا ہے۔

(جاری ہے)

ہفتہ کوسینیٹ سیکرٹریٹ میڈیا ڈائریکٹوریٹ کی جانب سے اپنے تعزیتی پیغام میں چیئرمین سینیٹ نے کہا کہ مرحوم آفتاب شعبان میرانی بااصول، مخلص اور وفادار سیاسی رہنما تھے جنہوں نے جمہوریت کی بالادستی اور عوامی خدمت کے لیے اپنی زندگی وقف کر دی، اُن کی خدمات ہمیشہ یاد رکھی جائیں گی۔

یوسف رضا گیلانی نے مرحوم کے اہلِ خانہ سے دلی تعزیت اور ہمدردی کا اظہار کرتے ہوئے کہا کہ دکھ کی اس گھڑی میں وہ سوگوارخاندان کے غم میں برابر کے شریک ہیں۔چیئرمین سینیٹ نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ حوصلے اور صبر سے برداشت کرنے کی توفیق عطا فرمائے ۔