راولپنڈی میں لڑکی کے بال کاٹنے کے کیس میں اہم پیشرفت

ابتدائی تحقیقات میں سنگین انکشافات سامنے آگئے واقعے میں ملوث 2 ملزمان افغان شہری نکلے، مبینہ طور پر جعلی پاکستانی شناختی کارڈ بنا رکھے تھے

بدھ 26 نومبر 2025 19:25

راولپنڈی(اُردو پوائنٹ اخبارتازہ ترین۔ 26 نومبر2025ء) راولپنڈی میں لڑکی کے بال کاٹنے کے کیس میں اہم پیشرفت ہوئی ہے، ابتدائی تحقیقات میں سنگین انکشافات سامنے آگئے جب کہ واقعے میں ملوث 2 ملزمان افغان شہری نکلے۔راولپنڈی میں لڑکی کے بال کاٹنے کے واقعے کی تحقیقات میں اہم پیشرفت سامنے آئی ہے۔

(جاری ہے)

پولیس ذرائع کے مطابق ابتدائی تفتیش میں پتہ چلا ہے کہ واقعے میں ملوث دونوں ملزمان افغان شہری ہیں جنہوں نے مبینہ طور پر جعلی پاکستانی شناختی کارڈ بنا رکھے تھے۔

ذرائع کا کہنا ہے کہ دونوں ملزمان پہلے بھی مختلف جرائم میں ملوث رہ چکے ہیں۔ ملزمان کے خلاف چوری، ڈکیتی اور منشیات فروشی کے مقدمات کا ریکارڈ موجود ہے۔ ابتدائی تحقیقات کے دوران یہ بھی معلوم ہوا کہ دونوں افراد راولپنڈی کی یونین کونسل نمبر 22 میں رہائش پذیر تھے۔پولیس ذرائع کا کہنا ہے کہ ملزمان کی شناخت، جعل سازی اور سابقہ جرائم سے متعلق مزید تفتیش جاری ہے جبکہ واقعے سے متعلق دیگر پہلوؤں کا جائزہ بھی لیا جا رہا ہے۔