آر ٹی او ایبٹ آباد کی غیر قانونی تمباکو تجارت کے خلاف بڑی کاروائی ، 3,000 گا نٹھیں ضبط

اسمگلنگ اور غیر قانونی تجارت کے ناسور کے خاتمے کے لیے موثر نگرانی اور بھرپور انفورسمنٹ کو یقینی بنایا جائے گا، ایف بی آر

بدھ 10 دسمبر 2025 15:38

آر ٹی او ایبٹ آباد کی غیر قانونی تمباکو تجارت کے خلاف بڑی کاروائی ، ..

ایبٹ آباد (اُردو پوائنٹ اخبارتازہ ترین - این این آئی۔ 10 دسمبر2025ء) ریجنل ٹیکس آفس ایبٹ آباد نے غیر قانونی تمباکو اور سگریٹ کی تجارت کے خلاف ایک بڑے آپریشن کے دوران خام تمباکو کی 3000 گا نٹھیں ضبط کر لیں جن میں سے ہر ایک کا وزن تقریبا 80000 کلوگرام ہے۔

(جاری ہے)

جاری اعلامیہ کے مطابق یہ کارروائی آر ٹی او ایبٹ آباد کے عزم کی عکاسی کرتی ہے کہ محصولات کا ضیاع روکا جائے، غیر قانونی سپلائی نیٹ ورکس کو توڑا جائے اور قوانین پر عمل کرنے والے کاروباروں کا تحفظ یقینی بنایا جائے۔

متعلقہ گودام کو سیل کرکے باضابطہ تفتیش کا آغاز کر دیا گیا ہے۔یہ کارروائی تمباکو کی بڑی ضبطگیوں میں سے ایک ہے اور ایف بی آر کے عزم کی تجدید کرتی ہے کہ اسمگلنگ اور غیر قانونی تجارت کے ناسور کے خاتمے کے لیے موثر نگرانی اور بھرپور انفورسمنٹ کو یقینی بنایا جائے گا۔