اطہر شاہ خان جیدی مرحوم کی 82ویں سالگرہ منائی گئی

جمعہ 2 جنوری 2026 17:45

کراچی (اُردو پوائنٹ اخبارتازہ ترین - اے پی پی۔ 02 جنوری2026ء) انجمن ترقی پسندمصنفین کراچی کے زیر اہتمام معروف دانشوراور مزاحیہ اداکاراطہر شاہ خان جیدی مرحوم کی 82ویں سالگرہ ایوان جوش آرٹس کونسل آف پاکستان کراچی ایسٹ میں منائی گئی۔ اس موقع پر معروف دانشوروں اور فنکاروں نے اطہر شاہ خان جیدی کو خراج عقیدت پیش کیا۔تقریب سے انجمن ترقی پسند مصنفین سندھ کے صدر ریاض شاہد دایو،تنظیم کے صدر کرم علی شاہ کرم، گل محمد منگی،زیب انساء ز یبی ، پروفیسر مشتاق مہر، ادکار ایاز خان،آفتاب عالم(جانو جرمن)،شکیل شیخ،ذاکر مستانہ،نعیم شیخ،سلیم آفریدی اور دیگر نے خطاب کرتے ہوئے کہا کہ اطہر شاہ خان کو مقبولیت ان کی بہترین اداکاری سے ملی مگر ساتھ ہی وہ ایک اچھے شاعر اور ادیب بھی تھے۔

انہوں نے پی ٹی وی سے شہرت پائی اور پی ٹی وی کو پزیرائی بھی دی ،وہ با مقصد اوربا معنی کردار ادا کرتے تھے۔

(جاری ہے)

انہوں نے کہا کہ اطہر شاہ خان جب تک زندہ رہے خود دکھی رہ کربھی عام لوگوں کوہنساتے رہے،وہ غمزدہ چہروں پر مسکرہٹ لانے کی صلاحیت رکھتے تھے۔انہوں نے کہا کہ جیدی کی یاد میں کوئی تقریب منعقدنہ کرنا زیادتی ہے تاہم اس سال انجمن ترقی پسند مصنفین نے اپنا کردار ادا کرتے ہوئے اطہر شاہ خان کی یا د میں ایک زبردست تقریب منعقد کی جس کے وہ حق دار بھی ہیں اور یہ کریڈیٹ انجمن کو جاتا ہے۔اس موقع پر روبینہ تحسین بینہ نے اپنی شاعری بھی پیش کی۔تقریب میں مرحوم اطہر شاہ خان اہل خانہ بھی موجود تھے۔

Facebook Twitter Google + Share on Whatsapp

اطہر شاہ خان جیدی مرحوم کی 82ویں سالگرہ منائی گئی

متعلقہ عنوان :

مزید قومی خبریں