بہاولپور میں لڑکی کی لاش قبر سے نکال کر کھیتوں میں پھینک دی گئی

واقعے کا مقدمہ درج کر کے ملزمان کی تلاش شروع کردی گئی

منگل 13 جنوری 2026 21:32

بہاولپور (اُردو پوائنٹ اخبارتازہ ترین۔ 13 جنوری2026ء) بہاولپور کے علاقے خیرپورٹامیوالی میں لڑکی کی لاش قبر سے نکال کر قریبی کھیتوں میں پھینک دی گئی۔پولیس کے مطابق اتوار کی شام لڑکی کی تدفین کی گئی تھی، پیر کی صبح لاش قبر سے غائب تھی، تحصیل ہیڈ کوارٹر ہسپتال میں لڑکی کی لاش کا پوسٹ مارٹم کر لیا گیا ہے۔

(جاری ہے)

پولیس نے بتایا کہ پوسٹ مارٹم رپورٹ آنے پر مزید کارروائی کی جائے گی جبکہ واقعے کا مقدمہ درج کر کے ملزمان کی تلاش شروع کردی گئی ہے۔پولیس کے مطابق 16 سالہ لڑکی کی موت مبینہ طور پر کرنٹ لگنے سے ہوئی تھی، اہلخانہ سمیت علاقہ مکینوں سے بھی تفتیش شروع کردی گئی ہے۔پولیس کے مطابق لڑکی کی موت کرنٹ لگنے سے ہوئی یا اسے قتل کیا گیا، یہ بھی تحقیقات جاری ہے۔