قائدِاعظم یونیورسٹی اور ایچ ای سی قومی یوتھ سیمینار 2026: نوجوان اور پاکستان کا مستقبل

جمعرات 26 فروری 2026 19:30

اسلام آباد (اُردو پوائنٹ اخبارتازہ ترین - اے پی پی۔ 26 فروری2026ء) قائدِاعظم یونیورسٹی (QAU)، اسلام آباد نے ہائر ایجوکیشن کمیشن (HEC) کے اشتراک سے جمعرات کو قائدِاعظم یونیورسٹی، اسلام آباد میں قومی یوتھ سیمینار بعنوان “Youth and the Future of Pakistan” منعقد کیا گیا ۔ سیمینار میں پالیسی سازوں، تعلیمی قائدین، میڈیا نمائندگان اور طلبہ کو یکجا کیا گیا جہاں نوجوان قیادت، ڈیجیٹل شہریت، ادارہ جاتی اعتماد اور قومی یکجہتی جیسے اہم موضوعات پر غور و خوض کیا گیا۔

کلیدی مقررین میں ڈاکٹر عمر سیف، ڈاکٹر فوزیہ وقار، جناب طلعت حسین اور پروفیسر ڈاکٹر نیاز احمد اختر ( ایس آئی ) شامل تھے۔ تقریب میں نوابزادہ میر محمد زرین خان مگسی بطور مہمانِ اعزاز جبکہ محترمہ وجیہہ قمر بطور مہمانِ خصوصی شریک ہوئیں۔

(جاری ہے)

اس موقع پر دو قومی سطح کے تخلیقی مقابلہ جات کا باضابطہ آغاز کیا گیا۔ جن میں مختصر ویڈیو مقابلہ بعنوان “Pakistan in ‘‘Our Hearts; Stories that Bind Us”مصوری مقابلہ بعنوان ‘‘The Canvas of National Cohesion” کے مقابلہ جات میں شرکت کے لیے تحریقات/اندراجات جمع کرانے کی آخری تاریخ 20 مارچ 2026 مقرر کی گئی ہے، جبکہ حتمی نتائج اور کامیاب امیدواروں کا اعلان 24 مارچ 2026 کو کیا جائے گا۔

دونوں مقابلوں کے فاتحین کو نقد انعامات دیے جائیں گے۔یہ سیمینار نوجوانوں کی شمولیت کو پالیسی مکالمے، اعلیٰ تعلیم اور ذمہ دار میڈیا طرزِ عمل سے ہم آہنگ کرنے کے لیے ایک قومی پلیٹ فارم ثابت ہوا۔ اس نے قومی یکجہتی کے فروغ میں ڈیجیٹل شعور، شہری ذمہ داری اور ادارہ جاتی اعتماد کی اہمیت کو اجاگر کیا۔اس اقدام نے نوجوانوں کی عملی شرکت کے لیے مؤثر مواقع فراہم کیے، جو تعمیری اظہار، تخلیقی مہارت اور مثبت قومی بیانیے کے فروغ کے ذریعے مشترکہ قومی شناخت کو مضبوط بنانے میں معاون ثابت ہوں گے۔