این اے 251 سے خوشحال خان کاکڑ کی کامیابی کا باضابطہ نوٹیفکیشن جاری

منگل 3 مارچ 2026 00:15

کوئٹہ (اُردو پوائنٹ اخبارتازہ ترین - این این آئی۔ 03 مارچ2026ء) الیکشن کمیشن آف پاکستان نے سپریم کورٹ آف پاکستان کے 27 فروری 2026 کے حکم کی روشنی میں قومی اسمبلی کے حلقہ این اے 251 شیرانی۔ژوب۔قلعہ سیف اللہ سے پشتونخواء نیشنل عوامی پارتی کے چیئرمین خوشحال خان کاکڑ کی کامیابی کا باضابطہ نوٹیفکیشن جاری کر دیا۔

(جاری ہے)

الیکشن کمیشن آف پاکستان کے جاری کردہ اعلامیے کے مطابق سپریم کورٹ کے فیصلے پر عملدآمد کر تے ہوئے بلوچستان سے قومی اسمبلی کی نشست حلقہ این اے 251 سے خوشحال خان کاکڑ کو کامیاب قرار دے دیا گیا ہے ۔

واضح رہے کہ خوشحال خان کاکڑ سابق سینیٹر عثمان کاکڑ کے بیٹے ہیں ۔انہوں نے جمعیت علماء اسلام کے امیدوار سید سمیع اللہ کی 8فروری 2024کے انتخابات کی کامیابی کو چیلنج کررکھا تھا ۔