ایک سو نوے ملین پاؤنڈ کیس، اسلام اذباد ہائیکورٹ نے نیب کو ایک لاکھ روپے جرمانہ کر دیا

نیب بانی پی ٹی آئی کو کسٹڈی میں رکھ کر ایک آنکھ ضائع کررہے ہیں، وکیل سلمان صفدر

بدھ 11 مارچ 2026 20:30

اسلام آباد (اُردو پوائنٹ اخبارتازہ ترین - این این آئی۔ 11 مارچ2026ء) ایک سو نوے ملین پاؤنڈ کیس میں سزاؤں کیخلاف بانی پی ٹی آئی اور بشریٰ بی بی کی اپیلوں کے کیس میں اسلام آباد ہائیکورٹ نے اسپیشل پراسیکیوٹر کی عدم حاضری پر نیب کو ایک لاکھ روپے جرمانہ کردیا۔ نیب کی متفرق درخواست پر فریقین کو نوٹس جاری کردیئے گئے ہیں۔میڈیا رپورٹ کے مطابق چیف جسٹس سردار سرفراز ڈوگر اور جسٹس محمد آصف سماعت نے کی۔

بانی پی ٹی آئی کے وکلا بیرسٹر سلمان صفدر اور اعتزاز احسن عدالت میں پیش ہوئے۔ نیب کے اسپیشل پراسیکیوٹر رافع مقصود نے عدالت میں مؤقف اختیار کیا کہ ہم نے درخواست کے قابل سماعت ہونے پر متفرق درخواست دائر کی ہے۔ یہ ہماری متفرق درخواست پر جواب دے دیں،ہم ان کی درخواست پر جواب جمع کروا دیتے ہیں۔

(جاری ہے)

۔ ہمیں وقت دے دیں، نوٹس کریں تو ہم جواب دے دیں گے۔

بیرسٹر سلمان صفدر نے کہا آج اسپیشل پراسیکیوٹر عدالت میں موجود کیوں نہیں ہیں یہ دلائل دینے سے کیوں بھاگ رہے ہیں یہ بانی پی ٹی آئی کو کسٹڈی میں رکھ کر ایک آنکھ ضائع کررہے ہیں اور دوسری کا بھی ارادہ ہے۔بیرسٹر اعتزاز احسن نے کہا رمضان میں قیدی کو رہا کرنا ثواب کا کام ہے، عدالت نے کہا بانی پی ٹی آئی کے وکلا نے نیب پرجرمانہ عائد کرنے کی استدعا کررکھی ہے،اسپیشل پراسیکیوٹر کی عدم حاضری پر نیب کو ایک لاکھ روپے جرمانہ کردیا گیا،نیب کے وکیل نے کہا آئندہ سماعت پر نیب کے اسپیشل پراسیکیوٹر لازمی پیش ہو جائیں گے۔