پاکستان سنی تحریک کے تحت اسلامو فوبیا ڈے پر تحفظ ناموس رسالت ﷺآگاہی کیمپ لگائے گئے

کراچی(اُردو پوائنٹ اخبارتازہ ترین - این این آئی۔ 16 مارچ2026ء) پاکستان سنی تحریک کے تحت اسلامو فوبیا ڈے پر تحفظ ناموس رسالت ﷺآگاہی کیمپ لگائے گئے،سربراہ پاکستان سنی تحریک محمد شاداب رضا نقشبندی نے تحفظ ناموس رسالت ﷺ کیمپوں کا دورہ سوشل میڈیا پر توہین آمیز مواد ہٹانے کا مطالبہ،کارکنان کا سربراہ پاکستان سنی تحریک محمد شاداب رضا نقشبندی کا تحفظ ناموس رسالت ﷺ کیمپوں پر شاندار استقبال پھولوں کی پٹیاں نچھاور کی گئیں،یوم تحفظ ناموس رسالت ﷺکے موقع پر عوام میں سوشل میڈیا پر توہین آمیز مواد کے خلاف آگاہی فراہم کرتے ہوئے سربراہ پاکستان سنی تحریک محمد شاداب رضا نقشبندی نے کہا کہ اسلام دشمن قوتوں کو اسلامو فوبیا کا بخارہے اس بخار کو اسلام کی تعلیمات سے ختم کرینگے،ناموس رسالت ﷺ کے تحفظ کیلئے کسی قسم کی قربانی سے دریغ نہیں کرینگے،محسن انسانیت حضور اکرم ﷺ بغض اور توہین کرنے والوں کا انجام دونوں جہانوں میں عبرتناک ہے،مغربی کلچر کو پرموٹ کیا جارہا ہے تاکہ فحاشی وعریانی کے ذریعے مسلمانوں کی غیرت کو کمزور کرسکیں،یہود ونصاری کی اسلام مخالف کسی بھی سازش کو کامیاب ہونے نہیں دینگے،پوری دنیا میں مسلمانوں پر ظلم وجبر اور طاقت کا استعمال کیا جارہا ہے،اسرائیل،بھارت،امریکا عالمی دہشتگرد ہیں جو مسلم ممالک پر حملے کرکے وسائل پر قبضے کرتے ہیں،فلسطین،شام،یمن،لبنان،لیبیا،کشمیر میں شہید ہونیوالے مسلمانوں کا خون رائیگاں نہیں جائیگا،اسرائیل ناجائز ریاست ہے اور اس کے خاتمے کا وقت قریب ہے،ان خیالات کا اظہار انہوں نے نارتھ کراچی،اورنگی ٹان اور کھارادر میں تحفظ ناموس رسالت ﷺ کیمپوں کا دورے کے موقع پر خطاب کرتے ہوئے کیا، اس موقع پر مرکزیری رہنماں فہیم الدین شیخ،محمد آفتاب قادری،محمد شہزاد قادری،مرکزی رابطہ کمیٹی مرتضی قادری کراچی امیر محمد فرقان قادری کراچی رابطہ کمیٹی کراچی ورکنگ کمیٹی کے ارکان بھی موجود تھے،شاداب رضا نقشبندی نے کہا کہ توہین مذہب توہین رسالت اور قرآن پاک کو نذر آتش کرنے کے واقعات کھلی دہشتگردی ہے،مغربی ممالک ایسے عناصر کی بیخ کنی کریں اور مذہبی انتشار پھیلانے والوں کے خلاف کاروائی عمل میں لائیں،آزادی اظہار رائے کا ہر گز یہ مقصد نہیں ہوسکتا کہ کسی بھی مذہب کی توہین کی جائے،آزادی اظہار رائے کی آڑ میں مغربی ممالک میں مسلمانوں اور مقدسات کو نشانہ بنایا جارہا ہے سوشل میڈیا پر اسلام کے خلاف منفی پروپیگنڈہ اور اسلام فوبیا قابل مذمت ہے،حکومت پاکستان سوشل میڈیا سے توہین آمیز مواد ہٹائے اور ایسی ویب سائٹ بند کی جائیں جو اسلام مخالف پروپیگنڈہ کرتی ہیں۔