پنجاب میں ہیلمٹ اور سیٹ بیلٹ کی خلاف ورزیوں پر سخت کارروائیاں جاری، لاکھوں چالان ٹکٹ جاری

جمعرات 26 مارچ 2026 14:45

لاہور (اُردو پوائنٹ اخبارتازہ ترین - این این آئی۔ 26 مارچ2026ء) ڈی آئی جی ٹریفک پنجاب محمد وقاص نذیر کے احکامات پر ہیلمٹ اور سیٹ بیلٹ کی خلاف ورزیوں پر سخت کارروائیاں جاری ہیں ، رواں ماہ ہیلمٹ کی خلاف ورزیوں پر 2لاکھ 48ہزار سے زائد چالان ٹکٹ جاری کیے گئے۔

(جاری ہے)

ترجمان کے مطابق رواں ماہ صوبائی دارالحکومت میں 49ہزار سے زائد ہیلمٹ کی خلاف ورزیوں پر ایکشن لیا گیا ،رواں ماہ سیٹ بیلٹ کی خلاف ورزیوں پر 2ہزار سے زائد چالان ٹکٹ جاری، رواں ماہ لاہور میں سیٹ بیلٹ کی خلاف ورزیوں پر 5 سو سے زائد چالان ٹکٹ جاری، ہیلمٹ کی متعدد خلاف ورزیوں پر 1لاکھ 22 ہزار سے موٹر سائیکلوں کو بند کیا گیا۔

ڈی آئی جی وقاص نذیر نے کہا کہ محفوظ پنجاب کے لیے سخت قانون کا نفاذ لازمی ہے، وزیر اعلیٰ پنجاب کے احکامات پر ہیلمٹ کے نفاذ کو 100فیصد یقینی بنارہے ہیں۔ پنجاب کی شاہراہوں پر 90فیصد سے زائد فیصد شہری ہیلمٹ کا استعمال کر رہے ہیں۔ ڈی آئی جی ٹریفک پنجاب نے کہا کہ ٹریفک پولیس کا مقصد چالان نہیں اپ کی زندگیوں کا تحفظ ہے،شہری ہیلمٹ اور سیٹ بیلٹ کا استعمال کریں اپ کا چالان نہیں ہوگا، سڑکوں پر منظم اور مربوط ٹریفک نظام کے لیے شہری ٹریفک پولیس کا ساتھ دیں۔